Тошкент Давлат техника

Тозалаш турлари. Тозалашнинг физик-кимёвий, электр-кимёвий, ултратовуш, термик ва механик усуллари мавжуд.
Физик-кимёвий усулда деталларни тозалаш оқим ёрдамида ва ванналарда олиб борилади. Детал сиртидаги ифлосликлар муайян шароитда турли хилдаги препаратларнинг сувдаги эритмаси ёки махсус эритувчилар билан тозаланади. Буларга кимёвий эритманинг юқори (75-95 °С) температураси, сезиларли даражадаги босимга эга бўлган тебранувчи оқимнинг мавжудлиги, самарали ювувчи воситаларнинг қўлланилиши киради. Ушбу усул техник сервисда таъмирлаш корхоналарида кўпроқ қўлланилади.
Электр-кимёвий усулда ток ўтказувчи электролитдан фойдаланилади. Тозалаш ўзгрмас ва ўзгарувчан токда олиб борилади. Ушбу жараёнда кўп ҳолларда зичлиги 3-10 А/дм² га эга бўлган токдан фойдаланилади. Ёғсизлантириш жараёнининг муддати ортиб бориши билан тозаланган деталнинг фаоллиги ортиб боради. Электрокимёвий тозалаш деталларни гальваник, полимер ва лок-бўёқ материаллари билан қоплашда кенг қўлланилади.
Ултратовуш усули тозаланадиган сиртга суюқ муҳит орқали энергияни узатишга асосланган. 20-25 кГц тебраниш частотасида ката тезланиш ҳосил бўлади, бу суюқ муҳитда майда кўпиклар ҳосил бўлишига олиб келади, уларнинг ёрилиши натижасида микроҳажимда катта кучга эга бўлган гидравлик зарблар пайдо бўлади. Улар углеродли ёпишмаларни 2-3 минут, мойлик пардаларни 30-40 с давомида бузилишига олиб келади. Ултратовуш усули мураккаб шаклга эга бўлган (карбюратор, ёнилғи насослари ва электр жиҳозлари) деталларни тозалашда қўлланилади
Термик усулдан энг барқарор бўлган углеродли ёпишмалар (қурум, асфалтен ва б.)дан тозалашда фойдаланилади. Бунинг учун детал термик печга жойлаштирилади, унда 600-700 ºС да 2-3 соат давомида ушлаб турилади, ундан сўнг печ билан биргаликда совитилади. Букилмаган деталлардан қурум газ алангасида куйдириш билан бартараф этилади.
Механик усулда детал қўлда тирнагичлар, шчеткалар ва б. билан тозаланади. Бу мақсадда майдаланган мева пўчоқларини, абразив заррачаларни ва бошқа материалларни ифлосланган сиртга ҳаво, сув ёки ювувчи эритмани узатувчи ускуналардан фойдаланилади.