Тошкент Давлат техника

3. Mashg‘ulot o‘tkazish vositalari:
Xizmat ko‘rsatish va ta’mirlash bo‘yicha me’yoriy ma’lumotlar; mavzuga tegishli bo‘lgan plakatlar, maketlar; mashinalarning agregati, uzellari va detallari.
4. Mashg‘ulot davomida quyidagi masalalar
o‘rganilishi lozim:
Nazorat-o‘lchov asboblari qanday ta’mirlanishi va rostlanishini; moy bosimini elektr impulsli ko‘rsatkichini tekshirish va rostlash jarayonini; datchiklarning nosozliklari va ularning belgilari nimalardan iborat ekanligini; datchikning nosozliklari qanday aniqlanishi; qabul qilgichni tekshirish va rostlash qanday olib borilishi; datchiklarni ta’mirlash qanday olib borilishi; elektromagnit yonilg‘i sathini ko‘rsatkichni tekshirish, ta’mirlash va rostlash qanday olib borilishi.


16- amaliy mashg‘ulot
Mashinalarning tipaviy detallari va uzellarini ta’mirlash texnologik jarayonini o‘rganish
1. Mashg‘ulotning maqsadi mashinalarning tipaviy detallari va uzellarini ta’mirlash texnologik jarayonini o‘rganishdan iborat.
2. Nazariy qism
Motorning asosiy detallari. Bloklar silindrlar gilzasi. Turtkich vtulkalari, taqsimlash valining vtulkalari va oraliq shesternyasi barmog‘ining eyilgan teshiklari yo‘niladi, ularga yangi vtulkalar pereslab kiritilib, ushbu vtulkalar nominal o‘lchamlari qadar razverkalanadi. Ushbu teshiklar yo‘nilgandan so‘ng, ularga tashqi o‘lchami bo‘yicha ta’mir o‘lchami mos bo‘lgan kattalashtirilgan detal o‘rnatiladi. Vtulkalar epoksid smolasi asosidagi elimlar bilan presslanadi. Bunday ta’mirlashda vtulkani o‘tqazishdagi taranglik biroz kam talab etilishi mumkin. Vtulka o‘rnatiladigan o‘rindiq va vtulka bloka preslangandan so‘ng o‘zak podshipniklari vkladishi va vtulkalar o‘rnatiladigan teshik o‘qlari orasidagi masofani ta’minlovchi moslama yordamida yo‘niladi.
Silindrlar bloki tekisligi 0,01 mm dan ko‘proqqa egilganda, maxsus moslama qo‘llab tekis shlifovkalovchi dastgohda shlifovkalanadi. Eyilish va qopqoqlarining deformasiyalanishi natijasida blokdagi o‘zak podshipniklari vkladishlari yotish joylarining o‘qdoshligi buzilganda, qopqoqning tayanch joylarining sirtlari tekis shlifovkalovchi dastgohda balandligi 0,03 mm ga etgunga qadar shlifovkalanadi. Undan so‘ng qopqoq joyiga o‘rnatilib gayka bilan qotiriladi va maxsus bo‘ylama yo‘nish dastgohida teshikning nominal o‘lchamiga qadar yo‘niladi. Yuza g‘adir-budirligini R_a = 0,63 mkm bo‘lishini ta’minlash uchun keskichning uzatilishi minimal bo‘lishi lozim. Uya yo‘nilgandan so‘ng uning sirti tekis, qat’iy silindrik va o‘qdosh bo‘lishi lozim. Yonma-yon joylashgan uyalarning nisbiy siljishi 0,03 mm dan, barcha uyalarning nisbiy siljishi 0,05 mm katta bo‘lmasligi lozim.
Slindrlar blokidagi darzlar odatdatda SCh-4 elektrodlari yoki Sv.08 simi bilan payvandlanadi. Suv ko‘ylagining tashqi sirtida joylashgan darzlar epoksid smolalari asosidagi elimli yamoqlar qo‘yish bilan ta’mirlanadi.