Toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 2021/ 6 - SON 
174 
AKTning jadal surʼatlarda rivojlanishi ijtimoiy-iqtisodiy hayotning barcha 
sohalarini axborotlashtirish jarayonidan yangi raqamlashtirish jarayoniga o‗tishiga 
olib kelmoqda. Raqamli iqtisodiyotga o‗tish zamon talabi bo‗lib, ―Raqamli 
O‗zbekiston-2030‖ dasturi konsepsiyasining ustuvor yo‗nalishi hisoblanadi. 
Jumladan, yangi avlod raqamli texnologiyalari – sunʼiy intellekt, robototexnika, 
internet, simsiz aloqa texnologiyalari va boshqalarning paydo bo‗lishi tufayli oxirgi 
vaqtda biznes va ijtimoiy sohadagi faoliyat modellarini o‗zgartirishning navbatdagi 
to‗lqini avj olmoqda. 
Taʼlim jarayonini tashkillashtirishda Web 2.0/3.0 xizmatlariga kiruvchi 
internet orqali aralash va masofaviy taʼlimni qo‗llab-quvvatlash uchun taʼlimni 
boshqarish tizimi, yaʼni blog-texnologiyasi muhim rol o‗ynaydi. 
Interaktiv aloqa uchun virtual taʼlim hamjamiyatini yaratish hamda Internetga 
turli xil materiallarni joylashtirish imkonini beradigan teskari xronologik tarzda 
tartiblangan blog o‗quv blogi hisoblanib, zamonaviy taʼlim vositasi sifatida ijodiy va 
kasbiy kompetensiyalarni rivojlantirishni taʼminlaydi [2].
O‗quv blogi-yozuvlar jurnali shaklidagi sayt bo‗lib, taʼlim oluvchilar 
tomonidan turli axborotlarni saqlash va uzatish uchun foydalaniladigan, onlayn 
hamda oflayn rejimda muammoli vazifa va vaziyatlarni muhokama qilish, guruh 
loyiha ishlarini amalga oshirish uchun turli hamjamiyatlarni yaratish imkonini beradi. 
Bloglarda axborotlar mavzular bo‗yicha jamlanadi, boshlang‗ich manbalarga 
havolalar beriladi, kerakli maʼlumotlarni izlash sezilarli darajada yengillashgan 
bo‗lib, mustaqil taʼlim olishning eng muvaffaqiyatli vositalaridan biri hisoblanadi. 
Bundan tashqari, blog orqali o‗qituvchining talabalar bilan hamkorlik qilish, 
qo‗shimcha materiallar taqdim etish, tanishib chiqilgan kontentlarni muhokama qilish 
kabi shaxsiy taʼlim muhitini yaratish imkoniyatini yaratadi [3]. 
Y.V.Neustroeva blogni yaratish va tahrirlash uchun internetda ishlash 
bo‗yicha elementar ko‗nikmalar yetarli bo‗lib, samarali ishlash uchun o‗qituvchiga 
blogger - boshqaruvchi sifatida ishlash tavsiya etiladi, u talabalarni o‗z blogiga taklif 
qiladi va keyinchalik ushbu guruh talabalarining barcha ishlarini masofadan turib 
boshqara oladi. Ushbu turdagi bloglar loyiha ishlari uchun qulay bo‗lib, unda 
talabalarga tadqiqot ko‗nikmalarini rivojlantirish imkoniyati beriladi [4].
D.V.Moglan axborotni mavzular bo‗yicha teskari xronologik tartibda tashkil 
etish va blogdagi gipermatnli tuzilish har bir talabaning individual ishlash va loyiha 
ishtirokchilari o‗rtasida tarmoq orqali aloqa uchun joy yaratish imkonini berishini 
aytib o‗tgan [5]. 
Blog o‗qituvchi bilan sharhlar funksiyasi orqali muloqotga kirisha oladigan 
doimiy o‗quvchilar davrasiga ega. Blogning ixtiyoriy yozuviga ierarxik daraxt 
ko‗rinishida tuzilgan matn, audio, videoaxborot, sharhlar qo‗shish mumkin. Ushbu 
ikki tomonlama xarakter blogda interfaollikni taʼminlaydi.

---