Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

Яхуд илмий мактабнинг ривожланиш тендинциялари:

1. 
   Математика, эҳтимолар назарияси, табиий ва ижтимоий жараёнларни математик моделлаш, информатика ва ҳисоблаш техникаси соҳасидаги тадқиқотлар. Ўзбекистоннинг ўз астраномия мактаби шаклланган бўлиб, унга бир вақтлар Беруний, Улуғбек ва Ғиёсиддин Жамшид асос солган эдилар. 1930 йилда қурилган Улуғбек номидаги китоб халқаро кенглик станциясида ишлаётган ўзбек олимлари АҚШ, Италия, Япония олимлари ва мутахассислари билан биргаликда Ер юзасида унинг қутблари ҳаракатланишини ўрганиб бормоқда.
   
2. 
   Геологик жараёнларнинг қонуниятларини ўрганиш билан боғлиқ бўлган тадқиқотлар.
   
3. 
   Молекуляр генетика, ген-ҳужайра инженерияси, биотехнология соҳасидаги тадқиқотлар.
   
4. 
   Моддаларнинг комплекс физикавий-кимёвий хоссаларини ўрганиш билан боғлиқ бўлган тадқиқотлар.
   
5. 
   Жаҳон ва мамлакатимиз тарихини, Ўзбекистоннинг маданий ва манавий меросини, ўзбек тили, адабиёти ва фальклорининг тарихий ва ҳозирги ривожланишини ҳар томонлама тадқиқ қилиш⁸.
   

Ўзбекистон Республикаси Президенти Шавкат Мирзиёев янги йил арафасида 2016 йил 30 декабрь куни мамлакатимиз етакчи илм-фан намоёндалари билан учрашиб “Илм-фан ютуқлари - тараққиётнинг муҳим омили“ мавзусида суҳбатлашди. 2016 йили декабрида давлатимиз раҳбари Шавкат Мирзиёев томонидан қабул қилинган Ўзбекистон Республикаси Фанлар академияси академиклари фаолиятини такомиллаштириш ва рағбатлантириш тўғрисидаги фармонида мамлакатимиз ижтимоий-иқтисодий тарақиётида илм-фаннинг ўрнини янада мустаҳкамлаш, академиклар фаолиятини ҳар томонлама қўллаб-қувватлаш, юқори малакали илмий кадрлар таёрлаш сифатини оширишни рағбатлантириш мақсадида бир қатор муҳим чора-тадбирлар белгиланган. Илм-фан билан шуғулланиш, янги кашфиёт ва ихтиролар қилиш игна билан қудуқ қазишдек гап, деди Президентимиз.
Мамлакатимизда юқори салоҳиятга эга, жаҳон миқёсида эътироф этилган олимлар кўп. Улар ўз мактабларини яратиши, шогирдлар табриялаши лозим⁹.

Ҳозирги вақтда мамлакатимизда 300 дан ортиқ илмий-тадқиқот муассасалари, олий ўқув юртлари, тажриба-конструкторлик ташкилотлари, илмий-ишлаб чиқариш корхоналари, кичик инновацион марказлар ва бошқа илмий-техникавий тузилмалар фаолият юритмоқда.