Toshkent davlat agrar universiteti termiz filiali meva-sabzavotchilik, uzumchilik

Erni ekishga tayyorlash
. Kuzda PN-4-35, PYa-3-35, PD-4-35 markali 
pluglar T-4A traktoriga taqilib tuproq 28-30 sm chuqurlikda shudgorlanadi. 
Ertangi karam ekiladigan dalalar erta bahorda boronalanib jo’yaklar olinadi 
kechki karam takroriy ekin sifatida ekiladigan bo’lsa asosiy ekin yig’ishtirib 
olingach, yer sug’oriladi, yetilgach 22-25 sm chuqurlikda haydaladi, 
boronalanadi, molalanadi va jo’yak olinadi. 

---

172 
O’g’itlash
. Tuproqdan oziq elementlar o’zlashtirishi bo’yicha karam 
sabzavot ekinlar orasida yetakchi o’rinlardan birini egallaydi. Bir tonna hosil 
olish uchun sarflanadigan mineral o’g’itlar miqdori-ertagi karam uchun 5-7 kg 
azot, 4 kg fosfor va 3,4 kg kaliy; kechki karam uchun 6,8; 4,5; 2,9 kg ni tashkil 
etadi. 
Bo’z tuproqlarda ertagi va kechki karam etishtirish uchun gektariga 20 -30 
tonna go’ng, 150-200 kg azot, 100-130 kg fosfor va 75-100 kg kaliy o’tloq 
tuproqlarda esa 120-150 kg azot, 120-150 kg fosfor va 60-100 kg kaliy beriladi. 
Go’ng to’liq, fosfor 70-75 foizi, kaliy 50 foizi yerni haydashda solinadi. 
Fosforning qolgan 25-30 foizi ko’chat o’tqazish vaqtida 40 foizi ko’chat 
tutgach birinchi oziqlantirishda, kolgan 60 foiz azotli va 50 foiz kaliy o’g’itlari
karambosh o’ray boshlaganda beriladi. 
Ko’chat o’tqazish muddati, qalinligi va sxemasi
. O’zbekistonda karam 4 
muddatda ekiladi: ertangi – fevral oxiri, mart oyi boshlarida: o’rtangi-mart
oyining oxiri o’n kunligida; kechki – 15 iyundan – 15 iyulgacha; qish oldidan-
noyabr oyi boshlarida ekiladi. Qator oralari 70 sm, tup oralari naviga qarab – 
25, 30, 40 va 50 sm qilinib, har gektariga 45-57, 36-37 va 28-30 mingtagacha 
ko’chat ekiladi (88-jadval). 
Ko’chat o’tqazilganda uning uchki kurtagi tuproqqa ko’milib qolmasligi 
shart (65-rasm).
Kechki karam ko’chatlari o’tqazilgach, 5-7 kunlari xato joylari to’ldiriladi. 
O’rtagi va ertagi karamlar odatda yaxshi tutadi va qayta ekishga ehtiyoj 
bo’lmaydi.