Toshkent 2021 yil Annotatsiya

2.11-§. Tekislikda nuqta va to’g’ri chiziq tanlash

Ba’zi hollarda tekislikda nuqta yoki to’g’ri chiziq tanlashga to’g’ri keladi. Tekislikda olinadigan nuqta shu tekislikdagi biror to’g’ri chiziqda yotishi shart.

Avval tekislikda to’g’ri chiziq tanlanadi. Tog’ri chiziq shu tekislikda bo’lishi uchun uning har qanday ikki nuqtasi shu tekislikda bo’lishi kerak. a to’g’ri chiziqning 1 va 2 nuqtalari tekislikning b va c chiziqlarida kesishayotgani uchun a to’g’ri chiziq shu L tekislikda tanlangan hisoblanadi (2.11.1- chizma, a).

Tanlangan to’g’ri chiziq tekislikning biror chizig’ini kesib, ikkinchisiga parallel bo’lsa, ham u tekislikdagi hisoblanadi. b to’g’ri chiziq tekislikning c chizig’ini 1 nuqtada kesib, d chizig’iga parallel holda o’tganligi uchun ham u to’g’ri chiziq M tekislikka tegishli hisoblanadi (2.11.1- chizma, b). Bu ikkala L va M tekisliklarda tanlab olingan a va b to’g’ri chiziqlarda tanlab olingan A va B nuqtalar ham L va M tekisliklarga tegishli bo’ladi (2.11.1- chizma, a, b).

Tekisliklardagi bosh chiziqlar va ularni o’tkazishda foydalangan nuqtalar, tekislikda nuqta va to’g’ri chiziqqa misol bo’la oladi.

2.11.1- chizma