Тошкент-2021 3 Январь 2021 10-қисм Тошкент январь 2021 йил. Тошкент: «Tadqiqot»

Январь 2021 10-қисм
Тошкент
ONA TILI DARSLARIDA DIDAKTIK O‘YINLARDAN FOYDALANISH
Ochilova Dilfuza Abdusalomovna
Navoiy viloyati Zarafshon shahar 
13-sonli ayrim fanlar chuqur o‘rganiladigan 
ixtisoslashtirilgan maktabi ona tili va adabiyot fani o‘qituvchisi 
Tel:[phone] Email:[e-mail]
Annotatsiya: Ushbu maqolada ona tili darslarida didaktik o‘yinlardan foydalanish va didaktik 
o‘yinlarning afzalliklari haqida so‘z ketadi. 
Kalit so‘z va iboralar: didaktik o‘yin,texnologiya, psixologiya, g‘oya, vazifa,qoida, xotira, 
dunyoqarash, muomala madaniyati.
Mustaqillikdan keyin ta’lim sohasiga juda katta e’tibor qaratilmoqda. Bu borada anchagina 
ishlar ham amalga oshirildi. O‘quvchilarimiz ham endi ancha zukko, topqir va qiziquvchan 
yoshlarga aylanib borishmoqda. Bu esa o‘z navbatida pedagoglarni yanada o‘z ustilarida ishlash 
va malakalarini oshirishga turtki bo‘lmoqda. Bugunning bolasi uchun eski uslubdagi darslar 
oddiy va quruq darslar bo‘lib tuyulishining sababi shundaki, ular texnika taraqqiy etib borayotgan 
zamon bilan hamnafas yashashmoqda va fikrlashmoqda. 
Bugungi kunda yoshlardagi bu o‘zgarish va yangiliklarga bo‘lgan qiziqish o‘qituvchidan dars 
jarayoniga texnologik yondashuvni va dars jarayonida turli xil o‘yin va metodlardan foydalanishni 
talab etmoqda. Ko‘plab o‘qituvchilarimiz hatto har bir darsini texnika vositalari va turli xil 
mavzuga oid o‘yinlarni darsga olib kirgan holda tashkillashtirmoqdalar.
Quyida biz ham ona tili darslarida qanday didaktik o‘yinlardan foydalanish mumkinligi va 
ularning ahamiyati haqida to‘xtalmoqchimiz.
Psixologiyada bola psixikasining rivojlanishida o‘yinning hal qiluvchi ahamiyatga ega 
deb qaraladi. Faqat o‘yindagina bola shaxsining hamma tomonlari birlikda va o‘zaro ta’sirda 
shakllanadi. [1]
Didaktik o‘yinda o‘quvchilarning o‘zlashtirishini hisobga olgan ta’limiy vazifalarning bo‘lishi 
juda muhimdir. O‘yinning u yoki bu shaklini tanlar ekan o‘qituvchi uning bolalar uchun qiziqarli 
va ular diqqatini to‘playdigan turlariga e’tibor qaratishi lozim. Didaktik o‘yinlar uchun o‘yin 
g‘oyasi va o‘yin vazifasi muhim ahamiyatga ega. Didaktik o‘yinning eng muhim elementi uning 
qoidasi hisoblanadi. Qoidani bajarish jarayonida o‘yin mazmuni amalga oshadi.