Topshirdi: Umarov S

Berdaq nomidagi QDU Tarix fakulteti tarix yo’nalishi 3-B guruh talabasi Umarov Suhrobning O’zbek davlatchiligi tarixi fanidan “Amir Temur davlatining boshqaruv tartiblari” mavzusida

KURS ISHI

Topshirdi: Umarov S.
Qabul qildi: Tanirbergenova Q.
REJA:
I.Kirish. …………………………………………3-4
II.Asosiy qism…………………………………….4-28
1.Amir Temurning siyosiy kurash maydoniga kirib kelishi …………………………………………………….5-7
2.Amir Temur davlatining vujudga kelishi………..7-9
3. Amir Temurning harbiy yurishlari………………10-11
4.Amir Temurning chet davlatlar bilan aloqalari…..12-14
5.Amir Temur davlatida boshqaruv tizimi………….15-23
6. “Temur tuzuklari.” Amir Temur shaxsi va uning buyukligi……………………………………………….23-30
7.Amir Temur davrida siyosiy, iqtisodiy, ijtimoiy, madaniy hayot………………………………………………..30-35
III.Xulosa ………………………………………….36
IV.Foydalanilgan adabiyotlar…………………….39

Kirish.
Amir Temur bizning buyuk bobokalonimiz hisoblanadi.U ham xuddi ajdodlarimiz Muqanna,Spitamen, Jaloliddin Manguberdi, Mahmud Tarobiy, Temur Maliklar kabi vatan ozodligi, yurt tinchligi uchun mo’g’ullarga qarshi kurashib, jasoratlar ko’rsatdi va mo’g’ullarni butunlay yurtimizdan quvib yubordi. Amir Temur o’zbek davlatchiligi tarixida muhim ahamiyatga ega bo’lgan, davlatchiligimiz shakllanishida muhim ahamiyat kasb etgan Temuriylar davlatiga asos soldi va dunyoning o’sha vaqtdagi eng qudratli davlatlaridan biriga aylantira oldi.
Mavzuning dolzarbligi. Amir Temur vatanimiz tarixida, o’zbek davlatchiligi taraqqiyotida beqiyos xizmat ko’rsatgan shaxs.Amir Temur jahon tarixida buyuk davlat arbobi, mashhur sarkarda sifatida e’tirof topgan yorqin siymodir.Afsuski, Amir Temur nomi sobiq mustamlakachilik va mustabid tuzum davrida qoralanib, avlodlar nazaridan chetga surilib kelinadi.Istiqlol tufayli o’z ona tariximizni xolisona yoritish, tarixiy haqiqatni qaror toptirish barobarida Amir Temur bobomizning nomini, nuroniy qiyofasini tiklash baxtiga muyassar bo’ldik.Birinchi Prezidentimiz I. A. Karimov tashabbusi bilan 1996-yilning Amir Temur yili deb e’lon qilinishi va shu yili buyuk bobokalonimiz tavalludining 660 yilligining mamlakatimizda va UNESCO tashabbusi bilan butun dunyo miqyosida keng nishonlanishi – bu hozirgi minnatdor avlodlarning , qolaversa, jahon ahlining bu buyuk zotga, uning ulug’vor ishlariga bildirgan cheksiz hurmati va e’zozi ramzidir.
Adolat va insof bilan tangri yaratgan bandalarini o’zimdan rozi qildim.Gunohkorga ham, begunohga ham rahm qilib, haqqoniyat yuzasidan hukm chiqardim. Xayr-ehson ishlarim bilan odamlar ko’nglidan joy oldim.