“Tong sirlari”

8-band
1-misra: “Tong sirlari” to`plamida deman tarzida, qolgan nusxalarda deyman tarzida qo`llangan.
2-3-misra: “Tong sirlari” to`plamida olmag`ach tarzida berilgan. Ravishdoshning -g`ach tarzda berilishi o`sha davr tili xususiyatlariga xos. Qolgan barcha nusxalarda olmagach tarzida ishlatilgan. “Tong sirlari”, “Bahorni sog`indim”, Uch jildlik asarlar (1993), “Go`zal Turkiston” to`plamlarida hayolni tarzida, “Yana oldim sozimni” va Tanlangan asarlar (2016) da esa hayolga tarzida tushum kelishigi (-ni) jo`nalish kelishigiga (-ga) almashtirilgan.
4-misra: “Tong sirlari” da borlig`img`a tarzida, ko`p so`zi ko`b tarzida, yeyman-yemon tarzida ifodalangan. O`sha davrda p undoshi o`rniga uning jufti b aytilgan. “Ko`b” faqat “Tong sirlari” da qayd etilgan. Tekshirish uchun olingan qolgan to`plamlarda shakliy o`xshashlik kuzatildi. Faqat “Bahorni sog`indim” to`plamida haqir so`zi hafir tarzida imloviy xatolikka yo`l qo`yilgan.