Томиди туманидан сўзга чиқувчилар РЎйхати

Ўзбекистон Республикаси Ёшлар ишлари агентлиги Навбаҳор туман бўлимининг “Пахтакор” маҳалласидаги ёшлар етакчиси (21.01.2022 й.)	ХУДОЙҚУЛОВ Олимжон Одилович, 1992 йил, Навоий вилояти, Навбаҳор тумани
	Ассалому алейкум муҳтарам юртбошимиз Шавкат Миромонович! Мен Навбаҳор туманидаги “Пахтакор” маҳалласи Ёшлар етакчиси Олимжон Худойқулов. “Инсонларнинг дард-у ташвишларини ўйлаб яшаш – бу одамийликнинг энг олий мезонидир” деган чуқур маъноли нутқингизни мен ўзимнинг ҳар кунлик шиорим қилиб олганман. Сизнинг ташаббусларингиз орқали мустақил Ватанимизнинг янги тарихида, халқимиз ҳаётида яна бир янги давр, янги тараққиёт босқичи бошланди. Стратегик мақсадларимиз аниқ ва равшан – демократик, инсонпарвар Давлат қуриш, халқимизни, хусусан ёшларни ҳаётдан рози қилиш, уларнинг янада фаровон яшаши учун барча шарт-шароитларни яратиш рўёбга чиқарилиб келинмоқда. Бинобарин, Сиз, муҳтарам юртбошимиз ёшлар билан фаол ва очиқ мулоқот олиб бориш, ёшлар мурожаатлари ва ташвишлари билан ишлаш борасида асос солган янги уникал тизим - маҳаллабай ишлаш тизими жорий этилиши билан боғлиқ бўлган ёшлар етакчиси лавозими ортида маҳалладаги ёшларни эргаштириш орқали мамлакатимиздаги ёшларнинг ҳар томонлама ривожланиш йўлидаги стратегик мақсадларига эришишнинг қудратли кучига айланиб бормоқда. Раҳбарларнинг қуйи тизимга тушиб келиши эса раҳбарлар билан оддий фуқаролар ўртасида ҳеч қандай воситачиларсиз тўғридан - тўғри мулоқоти йўлга қўйилди. Ёшлар билан хонабай юриш орқали ўз иқтидорини намоён этишга қўрқаётган ёки қандайдир сунъий тўсиқлар орқали фаол ва ташаббускор ўғил-қизларимизни ўсишида амалий ёрдам бериш имкони яратилди. Сизнинг “Ёшларни Ўзбекистоннинг энг катта бойлиги, бебаҳо хазинаси сифатида юксак қадрлайман” деган сўзларингиз биз ёшларга янада куч-ғайрат ва азм-у шижоат билан ишлашга даъват этади. Қисқа фаолиятимнинг давомида шунга амин бўлдимки, аксарият муаммоларини қисқа вақт ичида самарали, энг муҳими, қонун доирасида ҳал қилса бўлар экан. Бу учун эса бизда ушбу шарафли касбга нисбатан хоҳиш ва ирода, ҳаётдаги ўткир муаммоларга тик қарай олиш, уларни бартараф этишнинг таъсирчан йўлларини топиш талаб этилади. Эътиборингиз учун раҳмат!