Томиди туманидан сўзга чиқувчилар РЎйхати

Навбаҳор туман давлат солиқ инспекцияси бошлиғи, 4-сектор раҳбари (13.08.2021 й.)	ЭРГАШЕВ Фарход Зиядуллаевич 1983 йил Самарқанд вилояти, Пахтачи тумани
	Ассалому алайкум ҳурматли Президент! Навбаҳор туман давлат солиқ инспекциясининг 4-секторида 7 та маҳаллаларда, 5 365 та хонадонлар мавжуд бўлиб, улардаги 6 162 та оилада 23 026 нафар аҳоли истиқомат қилади, 140 нафари узоқ муддатга четга кетган, 8 та мактаб, 23 та давлат ва нодавлат мактабгача таълим муассасалари, 4 та соғлиқни сақлаш муассасалари мавжуд. “Темир дафтар” бўйича: Секторда 529 та эҳтиёжманд оилаларни аниқлаб, “Темир дафтар”га киритилганди. Бу оилаларнинг 637 нафар аъзоси ишсиз эканлиги сабабли уларни бандлигини таъминлаш орқали даромад манбаини ошириш ва камбағалликдан чиқариш чоралари кўрилиб, барчасини бандлиги таъминланди, 695 млн. сўмлик моддий ёрдамлар кўрсатилди. Натижада 521 та (98,5%) эхтиёжманд оилалар “Темир дафтар”дан чиқарилди. (Бугунги кунда “Темир дафтар”да қолаётган 8 та оилалар оғир касаллиги бўлган, якка ёлғиз оилалар). “Ёшлар дафтари” бўйича: 4-секторда 4 164 нафар 18-30 ёшдаги ёшлар мавжуд бўлиб, 2021 йил давомида 555 нафар ёшлар дафтарга киритилиб барчасига ёрдамлар кўрсатилиб дафтардан чиқарилиши таъминланди, 2022 йил 1 январдан бугунги кунгача 232 нафар ёшлар “Ёшлар дафтари”га киритилиб 68 нафарига турли хил ёрдамлар кўрсатилиб 29.3 фоизи дафтардан чиқарилиши таъминланди, бугунги кунда 164 нафар дафтарда қолган ёшларга ёрдамлар кўрсатилиши бўйича ишлар ташкил қилинмоқда. “Аёллар дафтари” бўйича:1-босқичда 4-секторда 249 нафар хотин-қизларни 9 та тоифага ажратилган ҳолда дафтарга киритилиб уларнинг муаммолари ҳал этилди. 2-босқичда 4-секторда қайта уйма-уй юриш орқали 30 ёшдан юқори бўлган 419 нафар аёллар “Аёллар дафтари” платформасига киритилиб 9 та тоифага ажратилган ҳолда жойлаштирилди ҳамда уларга тўлиқ ёрдамлар кўрсатилиб дафтардан чиқарилиши таъминланди.Бугунги кунда Аёллар дафтарини 3-босқичи бўйича 475-нафар аёллар руйхатга олиниб “Аёллар дафтари” платформасига киритилди. Сектор ҳудудида мавжуд имкониятлардан фойдаланган ҳолда тадбиркорликни ривожлантириш янги лойиҳаларни ташкил этиш орқали янги иш ўринларини ташкил этиш ҳамда мавжуд имкониятларидан самарали фойданишга алоҳида эътибор қаратмоқдаман. Жумладан, “Ўзбекистон” маҳалла фуқаролар йиғини ҳудудида умумий қиймати 73 млрд. сўм қийматидаги “Навбаҳор Агро лимон” МЧЖ томонидан қишлоқ хўжалиги йўналишида замонавий иссиқхона лойиҳаси ишга туширилди. Натижада 40 тадан ортиқ янги иш ўринлари яратилди. Шунингдек корхона томонидан 300,0 минг АҚШ доллари қийматидаги мева сабзавот маҳсулотлари қўшни давлатларга экспортга чиқарилди. Шу билан бирга маҳаллада фуқароларни қўллаб қувватлаш мақсадида “"ЯНГИ ЗАМИН НУР КЕЛАЖАГИ" МЧЖ” қарашли кооперация ташкил этилди. Кооперация томонидан чорвачилик (гўшт ва сут), майда шоҳли чорва моллари, енгил конструцияли иссиқхона, паррандачилик (гўшт ва тухум), асалари ва балиқчилик етиштириш ва кўпайтириш билан шуғулланади. Туман аҳолисини маҳсулот билан таъминлаб ўзаро кооперация асосида аҳоли томонидан етиштирилган маҳсулотлар кооперация томонидан қайта сотиб олинади. Бундан ташқари аҳолининг эҳтиёжи, қизиқиши ва қобилиятидан келиб чиқиб маҳсулотлар тарқатилади. Натижада 120 га яқин фуқароларнинг бандлиги таъминланиб, 1,5 млн.сўмдан 2,5 млн.сўмгача дароматга эга бўлади. Бундан ташқари, фуқаролар томонидан етиштирилган маҳсулотлар ортиқча оворагарчиликларсиз тадбиркор томонидан сотиб олинади.