Томиди туманидан сўзга чиқувчилар РЎйхати

ҲАЙДАРОВ Охунжон Одилжон ўғли 1992 йил, Навоий вилояти, Навбаҳор тумани
	Миннатдорчилик: Ассалому алайкум, ҳурматли Шавкат Миромонович! Мен Навбахор тумани “Ўзбекистон” маҳалласи бўйича хоким ёрдамчиси Ҳайдаров Охунжон Одилжон ўғлиман. Ҳурматли Шавкат Миромонович! Мен, шу йилнинг январ ойидан Навбаҳор тумани “Ўзбекистон” маҳалласига Тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчиси лавозимига тайинландим. Дастлаб мен, ўз ишимни маҳалламиздаги хонадонларни хатлов қилишдан ҳамда бу орқали маҳалланинг ўсиш нуқтасини аниқлашдан бошладим. Хатловда маҳалламизнинг ўсиш нуқтаси деҳқончилик ва чорвачилик эканлиги аниқланди. Хатлов натижасида маҳалламизда 623 та хонадон 873 та оила, 3196 нафар аҳоли мавжудлиги аниқланди. Бундан ташқари маҳалламизда 85 нафар ишсиз фуқароларимиз борлиги маълум бўлди.. Ҳозирги кунда ушбу ишсиз фуқароларимиздан 25 нафарини бўш иш ўринлари орқали, жамоат ишларига жалб қилиш орқали, ва тадбиркорликни йўлга қўйиш орқали бандлигини таъминладим. Ишсиз фуқароларимизни иш билан бандлигини таъминлашда уларнинг шахсий томорқаларида иссиқхона қуриш орқали, чорвачилик билан шуғулланиши орқали, тикувчилик, паррандачилик, асаларичилик йўналишларида ўз тадбиркорлигини йўлга қўйиши орқали банд бўлишига эътибор қаратмоқдаман. Шу билан бирга маҳалламизда фуқароларимизни қўллаб қувватлаш мақсадида маҳалламизда “ЯНГИ ЗАМИН НУР КЕЛАЖАГИ” масъулияти чекланган жамияти корхонасини томонидан кооперация ташкил этдим. Кооперация томонидан чорвачилик (гўшт ва сут), майда шоҳли чорва моллари, енгил конструцияли иссиқхона, паррандачилик (гўшт ва тухум), асалари ва балиқчилик етиштириш ва кўпайтириш билан шуғулланади. Туман аҳолисини маҳсулот билан таъминлаб ўзаро кооперация асосида аҳоли томонидан етиштирилган маҳсулотлар кооперация томонидан қайта сотиб олинади. Бундан ташқари аҳолининг эҳтиёжи, қизиқиши ва қобилиятидан келиб чиқиб маҳсулотлар тарқатилади. Натижада 120 га яқин фуқароларнинг бандлиги таъминиб, 1,5 млн.сўмдан 2,5 млн.сўмгача дароматга эга бўлади. Бундан ташқари, фуқаролар томонидан етиштирилган маҳсулотлар ортиқча оворагарчиликларсиз тадбиркор томонидан сотиб олинади. Ҳурматли Шавкат Миромонович Сизнинг бизга билдираётган ишончингизни албатта оқлаймиз, Сиз яратиб бераётган барча имконият ва шароитлардан унумли фойдаланиб маҳалламда ишсиз фуқаро, камбағал оила бўлмаслигига ваъда бераман.