Тоифа Сертификат Методика билогия химия физика чет тили

Савол: доц. А.Э.Раҳмонов, - Авторефератингизда жаҳон илм-фанида етакчи илмий тадқиқот марказлари “Consumers International”, “European Consumer Centres Network” ни келтириб ўтгансиз. Улар ҳақида қисқача маълумот бериб ўтсангиз?
Жавоб: тадқиқотчи Т.Г.Ибайдуллаев: - Consumers International (Англия) - Consumers International бутун дунёдаги истеъмолчилар гуруҳлари учун аъзоликка асосланган ташкилотдир. Бутун дунё бўйлаб истеъмолчиларга хавфсиз, адолатли ва ҳалол муносабатда бўлишларини таъминлаш. 1960 йил 1 апрелда ташкил этилган бўлиб, унга 120 та мамлакатда 250 дан ортиқ аъзо ташкилот киради. Бош офиси Англиянинг Лондон шаҳрида жойлашган бўлиб, Лотин Америкаси, Осиё Тинч океани, Яқин Шарқ ва Африкада минтақавий ваколатхоналари мавжуд. Ўзбекистоннинг иштирок этиш санаси 2018 йил. 2020 йил-Барқарор истеъмолчи, 2021 йил-Пластик ифлосланиш билан курашиш деб номланди.
European Consumer Centres Network - Европа истеъмолчилар марказлари тармоғи (ECC-Net) - бу бутун эвропа Иттифоқи тармоғи. Эвропа истеъмолчилар марказлари тармоғи 2005 йил январ ойида эвропа Комиссияси ва миллий ҳукуматлар томонидан ташкил этилган.
Савол: ф.ф.б. фалсафа доктори (PhD) Б.Х.Турдибоев, - Замонавий жамиятнинг анъанавий жамият билан фарқи истеъмол нуқтаи назардан?
Жавоб: тадқиқотчи Т.Г.Ибайдуллаев: - Аввал анъанавий жамият ҳақида айтадиган бўлсак бу шундай жамиятки, унда ишлаб чиқариш шакллари, иқтисодий муносабатлар, тақсимот, алмашув, истеъмол меёрлари аллақачон барқарорлашган, қатъий белгиланган ва адолатли ҳисобланаганлиги учун деярли ўзгармасдир, турғундир. Замонавий жамиятнинг яна бир номи - ҳаддан ташқари истеъмол жамиятидир. Замонавий жамиятда вақти-вақти билан истеъмол ва истеъмолчининг ўртасида чегара жуда камайиб бориб, ундан кейин, одам аллақачон нимани ва нима учун истеъмол қилишни тушунмай қўяди.
Раис: Яна саволлар борми? (Овозлар - йўқ). Агар саволлар бўлмаса, энди сўз навбатини мазкур диссертация юзасидан тақризчиларга берсак. Биринчи тақризчи сифатида ф.ф.н., доц. Э.Мустафаев танланган. Тақриз юзасидан фикрларни эшитсак, марҳамат.