Тоифа Сертификат Методика билогия химия физика чет тили

Йиғилиш котиби - кат. ўқит. С.Панжиев: тадқиқотчи Ибайдуллаев Темур Гайбуллаевич ҳақида маълумот берди.
Ибайдуллаев Темур Гайбуллаевич 2005-2009 йилларда Жиззах давлат педагогика институтининг Тарих факультети “Миллий истиқлол ғояси: ҳуқуқ ва маънавият асослари” мутахассислигини имтиёзли диплом билан тугатган. 2011-2013 йилларда Самарқанд давлат университети “Маънавият асослари” мутахассислик магистранти.
Ўзининг меҳнат фаолиятини 2009-2012 йиллар Жиззах вилояти, Ш.Рашидов туман Уч тепа қишлоқ хўжалиги касб-хунар коллежида ўқитувчи, 2013-2014 йилларда Ўзбекистон “Миллий тикланиш” демократик партияси Жиззах вилоят Кенгаши Ижроия Қўмитаси ташкилий-партиявий ва кадрлар масалалари бўйича бош мутахассиси, 2014 йилдан Жиззах политехника институтининг “Ижтимоий фанлар” кафедраси ассистенти лавозимида ишлаб келди. 2017-2021 йиллари “Саноат технологиялари” факультети декан ўринбосари, 2021 йил ноябр ойидан ҳозирги вақтгача институт “Ички назорат ва мониторинг бўлими” бошлиғи лавозимида ишлаб келмоқда.
Диссертация иши Жиззах политехника “Ижтимоий фанлар” кафедрасида бажарилган. Докторлик диссертацияси мавзуси Ўзбекистон Республикаси Вазирлар Маҳкамаси ҳузуридаги ОАК Бюллетинининг 2019 йил 1-сонида В2019.1.PhD/Fal258 рақам билан эълон қилинган. Барча малакавий имтиҳонларни топширган ва ижобий баҳоланган, имтиҳонларнинг гувоҳномалари мавжуд.
Диссертация Жиззах политехника институти “Ижтимоий фанлар” кафедрасининг кенгайтирилган илмий-назарий семинарида 2020 йилнинг 25 декабрдаги 7-сонли мажлисида муҳокама қилинган ва Самарқанд давлат университети ҳузуридаги илмий даражалар берувчи DSc.03/30.12.2019.F.02.02 рақамли Ихтисослашган Илмий Кенгаш қошидаги илмий семинарда муҳокама қилиш учун тавсия этилган.
Диссертация мавзуси бўйича жами 16 та илмий иш чоп этилган. Шундан, Ўзбекистон Республикаси Олий Аттестация комиссиясининг докторлик диссертациялари чоп этиш тавсия этилган илмий нашрларда эса 5 та мақола (4 та республика ва 1 та хорижий журналлари) нашр этилган.
Т.Ибайдуллаев оилали, уч нафар фарзанди бор.
Семинар раиси: Диссертантнинг шахсий ва илмий фаолияти ҳақида кимда қандай фикр бор. Агар ҳеч кимда эътироз бўлмаса энди диссертация юзасидан сўзни Ибайдуллаев Темур Гайбуллаевичга берамиз. Марҳамат!