Tiykarg'i bo'lim

Joybarlaw — basqariwdin' tiykarǵı hám dáslepki funksiyası -bolıp tabıladı. Bunda basqarıw maqsetleri hám wazıypaları, olardı ámelge asırıw múddetleri belgilenedi, wazıypalami ámelge asırıw usılları islep shıǵıladı. Joybarlaw barlıq xojalıq strukturaları strategiyasında ózin ko'rsetedi hám kárxananıń pútkil jumısı keleshekti boljaw etiw (prognozlaw ) hám strategiyalıq jobalar tiykarında támiyinlenedi. Joybarlastiriwdin' ulıwmalıq ózgesheligi sonda, bunda hár bir basqarıw jumısshısı óziniń jeke jumısın joybarlastiradi, óz jumıs jayındaǵı aktivlik kórsetkishlerin islep shıǵadı, rejelerdi qanday atqarip atirg'anin baqlawdı sho’lkemlestiredi.
Shólkemlestiriw — usı funksiya basqarıw obiekti sheńberinde barlıq basqariliwshi hám basqarıwshı processlerdiń qatnasiqlarin támiyinleydi. Sol kózqarastan shólkemlestiriw ishki hám sırtqı shárt-sharayatlarinin' o 'zgerip turıwına qaray, ámeldegi sistema quramın jetilistiriw yamasa jańasın dúziw bolıp esaplanadı. Usı funksiya ámeldegi hám strategiyalıq rejelerdiń atqarılıwın támiyinlew boyınsha dáslepki qádem bolıp tabıladı.
Muwapıqlastırıw — háreketlerdin' úzliksizligin ta’miyinlewshi menejmenttiń zárúrli funksiyası bolıp tabıladı. Muwapıqlastiriwdin' maqseti —shólkemdniń barlıq teksheleri ortasında optimal baylanıslardi o'rnatiw jardeminde hámme bólimlerdin' muwapıq islewin támiyinlew. Bunda intervyu, esabatlar, jıynalıslar,komputer baylanısları, radio hám televidenie quralları keń kólemde paydalanıladı.
Tártipke salıw muwapıqlastiriwdin' logikalıq dawamı bolıp, ol júz bolıp turatuǵın mashqalalardi ta’rtipke salıw jolı menen islep shıǵarıw processlerin ámelge asırıwdı maqset etip qóyadı. Onıń járdemi menen payda bolıwı itimali tutılǵan mashqalalar aldı alınadı.
Qadaǵalaw funksiyasınıń wazıypası jumıs nátiyjelerin muǵdarlıq hám sapa tárepten bahalaw hám esapqa aladi. Onıń tiykarǵı turleri — baqlaw, tekseriw, esap hám analiz. Qadaǵalaw teris baylanıs elementi retinde kórinetuǵın boladi. Qadaǵalaw maǵlıwmatları tiykarında qabıl etilgen qararlarǵa, jobalarǵa, norma ham normativlarg'a du’zetiwler kiritiledi.
Motivatsiya — jumisshilardi keń demokratiyalıq tiykarda aktivlestiriw, ulamli maqsetlerge erisiw ushın nátiyjeli miynet etiwge úndew hám tartıw maqsetlerine iye. Bunıń ushın jumisshilardi hár qıylı materiallıq hám ruwxıy xoshametlewler engiziledi, dóretiwshilik potencialdı kórinetuǵın etiw hám isleytuǵınlardıń dárejesin rawajlandırıw ushın sharayatlar jaratıladı. Sonday eken, basqarıw joybarlawdan baslanıp, iskerlikti shólkemlestiriw, onı xoshametlew menen tawsıladı. Bul jerde muwapıqlastırıw barlıq funksiyalar processinde óz ko’rinisin tabadı. Bul funksiyalar basqarıwdıń hámme basqıshlarına tán bolgan ulıwma ayrıqshalıqlarǵa iye bolip, basqarıw apparatınıń barlıq basshıları hám qánigeleri iskerliginde ámeldegi boladi. Olardı, basqarıwdıń hámme táreplerin qamrag’an funksiyalar dewida múmkin, sebebi olar basqarıw sistemasında boyına (vertikal ), da enine (gorizontal ) óz ishine aladı.