Тинчлик ва харбий даврда ахолини ва худудларни фавқулодда вазиятлардан мухофаза қилишнинг хуқУҚий асослари

Қонуннинг мақсади терроризмга қарши кураш сохасидаги муносабатларни тартибга солишдан иборат бўлиб, асосий вазифаси этиб шахс, жамият ва давлатнинг терроризмдан хавфсизлигини таъминлаш, давлатнинг суверенитетини ва худудий яхлитлигини химоя қилиш, фуқаролар тичлигини ва миллий тотувликни сақлаш деб белгиланган.
Қонун « Умумий қоидалар » , « Давлат органларининг терроризмга қарши кураш сохасидаги ваколатлари », « Террорчиликка қарши операцияни ўтказилиши », « Террорчилик харакати оқибатида етказиладиган зарарларни қоплаш ва жабрланган шахсларнинг ижтимоий реабилитацияси » хамда « Терроризмга қарши курашда иштирок этаётган
шахсларнинг хуқуқий ва ижтимоий химояси » деб номланувчи
5 бўлимдан иборат бўлиб, 31 моддани ўз ичига олади.
1 бўлимда терроризм бўйича қўлланиладиган асосий тушунчалар келтирилган. Жумладан:
- терроризм- сиёсий, диний , мафкуравий ва бошқа мақсадларга эришиш учун шахсни хаёти, соғлигига хавф туғдирувчи, мол-мулк ва бошқа моддий объектларнинг йўқ қилиниши ( шикастлантирилиши ) хавфини келтириб чиқарувчи хамда давлатни, халқаро ташкилотни, жисмоний ёки юридик шахсни бирор-бир харакатлар содир этишга ёки содир этишдан тийилишига мажбур қилишига, халқаро муносабатларни мураккаблаштиришга, давлатнинг суверенитетини, худудий яхлитлигини бузишга, хавфсизлигига путур етказишга, қуроллик можаролар чиқаришни кўзлаб иғвогарлик қилишга,ахолини қўрқитишга, ижтимоий-сиёсий вазиятни беқарорлантиришга қаратилган, Ўзбекистон Республикасининг Жиноят кодексида жавобгарлик назарда тутилган зўрлик,зўрлик ишлатиш билан ёки жиноий қилмишлар;
-Террорчи- террорчилик фаолиятини амалга оширишда иштирок этаётган шахс;
- Террорчилик гурухи- олдиндан тил бириктириб террорчилик харакатини содир этган, бундай харакатга тайёргарлик кўрган ёки уни содир этишга суиқасд қилган шахслар гурухи;
- террорчилик харакати- гаровда ушлаб туриш учун шахсларни қўлга олиш ёки ушлаб туриш, давлат ёки жамоат арбобининг, ахолининг миллий, этник, диний, бошқа гурухлари, чет эл давлатлари ва халқаро ташкилотлар вакилларининг хаётига тажовуз қилиш, давлат ёки жамоат ахамиятига молик объектларни босиб олиш, шикастлантириш, йўқ қилиш, портлатишлар, ўт қўйишлар портлатиш қурилмаларини, радиоактив, биологик, портловчи, кимёвий, бошқа захарловчи моддаларни ишлатиш ёки ишлатиш билан қўрқитиш, ер ўсти, сув ва хаво транспорти воситаларини қўлга олиш, уларни олиб қочиш, шикастлантириш, йўқ қилиш, ахолини гавжум жойларда ва оммавий тадбирлар ўтказилаётганда вахима кўтариш ва тартибсизликлар келтириб чиқариш, ахоли хаётига, соғлигига,жисмоний ёки юридик шахслар мол-мулкига, авариялар, техноген хусусиятли халокатлар содир этиш йўли билан зарар етказиш ёки хавф туғдириш, тахдидни хар қандай воситалар ва усуллар билан ёйиш тарзида террорчилик тусидаги жиноятларни, Ўзбекистон Республикаси қонун хужжатларида ва халқаро хуқуқнинг умум эътироф этилган нормаларида белгиланган террорчилик тусидаги бошқа харакатларни содир этиш.