Tijorat banklarining valyuta operatsiyalari

Avvalgi yillarda xalqaro reyting agentliklarining “barqaror” reytingini olgan tijorat banklari soni 13-15 tani tashkil qilgan bo‘lsa, bugungi kunda ularning soni 26 taga yetdi. Ushbu banklarning bank tizimi jami aktivlaridagi salmog‘i 98 foizdan oshib ketdi. Mamlakatimizning yetakchi banklari, jumladan, Tashqi iqtisodiy faoliyat milliy banki (“Mudis”, “Standart end Purs”), Asakabank (“Mudis”, “Fitch Reytings”), “O‘zsanoatqurilishbank” (“Fitch Reytings”, “Standart end Purs”) va Ipotekabank (“Mudis”, “Standart end Purs”) bir paytning o‘zida ikkita xalqaro reyting agentligining “barqaror” reyting bahosiga sazovor bo‘ldi.

Avvalgi yillarda xalqaro reyting agentliklarining “barqaror” reytingini olgan tijorat banklari soni 13-15 tani tashkil qilgan bo‘lsa, bugungi kunda ularning soni 26 taga yetdi. Ushbu banklarning bank tizimi jami aktivlaridagi salmog‘i 98 foizdan oshib ketdi. Mamlakatimizning yetakchi banklari, jumladan, Tashqi iqtisodiy faoliyat milliy banki (“Mudis”, “Standart end Purs”), Asakabank (“Mudis”, “Fitch Reytings”), “O‘zsanoatqurilishbank” (“Fitch Reytings”, “Standart end Purs”) va Ipotekabank (“Mudis”, “Standart end Purs”) bir paytning o‘zida ikkita xalqaro reyting agentligining “barqaror” reyting bahosiga sazovor bo‘ldi.

O‘zbekiston bank tizimining nufuzli xalqaro reyting agentliklari bilan hamkorligi yildan-yilga kengayib bormoqda. O‘zbekiston tijorat banklari uchun ular ishtirokida xalqaro reyting baholash uslubiyotida qo‘llaniladigan me’yor, mezon va standartlarga asoslangan bank va moliya-bank tizimi faoliyatini baholash va tahlil qilishning zamonaviy tizimini joriy etish borasida xalqaro konferensiya va seminarlar o‘tkazish an’anaga aylandi.

Xususan, shu yilning 12-17-mart kunlari “Mudis”, 17-19 aprel kunlari “Standart end Purs” va 19-iyun kuni “Fitch reytings” agentliklari bilan hamkorlikda ana shunday amaliy uchrashuvlar o‘tkazildi. 12-iyun kuni “Mudis” agentligining O‘zbekiston bank sohasini baholash bo‘yicha faoliyati” mavzuida, 19-iyun kuni “Fitch reytings” agentligi bilan “O‘zbekiston banklari: tashqi nobarqaror sharoitda rivojlanish” mavzuida va 25 iyul kuni “Standart end Purs” reyting agentligining kredit reytingi hamda uning O‘zbekiston banklari tomonidan qo‘llanilishi” mavzuida amaliy konferensiyalar o‘tkazildi.

Seminar va konferensiyalar davomida reyting agentliklari tomonidan xalqaro baholash tizimidagi yangiliklar va o‘zgarishlar to‘g‘risida atroflicha ma’lumot berildi. Shu bilan birga, O‘zbekiston bank tizimi rivojlanishi yuzasidan ijobiy fikrlar bildirildi.