Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

7.5. Tibbiy asbob-anjomlar va buyumlarni qadoqlashga bo‘lgan talablar
7.5.1. Sterilizatsiya o‘rash materiallari tibbiy asbob-anjomlar va buyumlarni sterilizatsiya qilishdan oldin o‘rash va ularni sterilizatsiya qilingandan keyin ishlatgunga qadar va transportirovka qilishda steril holatda saqlashga mo‘ljallangan.
7.5.2. Tibbiy asbob-anjomlarni o‘rash materiallari quyidagi talablarga javob berishi kerak:
- tanlangan sterilizatsiya usulida ishlatish uchun mo‘ljallangan bo‘lishi;
- havoni tashqariga chiqib ketishi va sterilizatsiya agentini ichkariga kirishini ta’minlashi;
- tibbiy asbob-anjomlarni saqlash va tashish jarayonida sterillikni saqlashi;
- o‘ram ichidagi tibbiy asbob-anjomlar va buyumlarni steril holda olish imkonini berishi kerak.
7.5.4. Tibbiy asbob-anjomlar va choyshablar va boshqa materiallarni o‘rash sterilizatsiya qilinayotgan materialdan havoning to‘liq chiqarib yuborilishi va sterilizatsiya agentining eng chuqur nuqtalariga yetib borishiga imkon berishi kerak.
7.5.5. Oq tibbiy kraft-qog‘oz, laminatsiya qilingan shaffof plyonkadan tayyorlangan o‘rash materialllari antibakterial va ishonchli himoyani ta’minlaydi.
7.5.6. Bog‘lov xonalari uchun ishlatiladigan o‘rash materiallari ushbu xonalarda steril stol yoymasdan ishlash imkoniyatini berishi kerak.
7.5.7. Sterilizatsiya uchun ajratilgan tibbiy asbob-anjomlar va buyumlarda sterilizatsiya oldi tozalov ishlari o‘tkaziladi, xirurgik operatsiya uchun ishlatiladigan choyshablar esa yuvilib, quritilgandan keyin paketlarga (shu jumladan rulon materialdan tayyorlangan) joylashtiriladi. Bunda buyumlar ishchi qismi bilan paketlarning ochiq tomoniga (to‘ldirish tomonga) qaratib joylashtiriladi. Rulonli materiallardan tayyorlangan paketlarga buyumlarni joylashtirishda, buyumning ishchi qismi ochiladigan joyiga qarama-qarshi tomonga qaratilgan bo‘lishi kerak. Paketlarning choklari yorilib ketmasligi uchun ulardagi buyumlar sig‘imning ¾ qismidan ortiq bo‘lmasligi kerak. O‘rash materiallarini sanchuvchi (ignalar va boshqalar) va kesuvchi (skalpellar, rezeksion pichoqlar va boshqalar) asboblar joylashtirganda yirtilishini oldini olish uchun turli himoya usullari, ya’ni buyumlar ketma-ket ikki marta o‘rash, kesuvchi asboblarning ishchi qismlari toza doka yoki qog‘oz salfetkalarga o‘raladi.
7.5.8. Buyumlar solingan paketlar termik usulda payvandlash apparatlari yordamida va bundan istisno tariqasida – indikatorli yoki indikatorsiz yopishuvchan tasmalar yordamida berkiladi.
7.5.9. Paketlar yopilishidan oldin qo‘l bilan uni yopiq tomondan ochiq tomonga yo‘naltirgan holda (iloji boricha) havoni chiqarib tashlash kerak.
7.5.10. Sterilizatsiya qilingan tibbiy asbob-anjomlar va buyumlarni uzoq saqlash uchun sterilizatsiya markazida mikrofiltrli konteynerlar yoki sterilizatsiya qilingandan keyin avtomatik tarzda germetik yopiladigan klapanli steril konteynerlardan foydalanilishi zarur.