Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari. Sterillangan tibbiy buyumlar va uskunalarning saqlanish qoidalari. Atamalar va ta’riflar

Tibbiy buyumlar va uskunalarni dezinfeksiya va sterilizatsiya qilish. Usullari. Vositalari. Tartiblari.Sterillangan tibbiy buyumlar va uskunalarning saqlanish qoidalari.
Atamalar va ta’riflar
Kasalxona ichi infeksiyasi – bemorning diagnostika va davolash maqsadida davolash-profilaktika muassasasiga yotqizilishi yoki murojaat qilishi natijasida kelib chiqadigan mikrob etiologiyali har qanday klinik ifodalangan kasallikdir. Xodimlarning kasbiy faoliyati natijasida yuqtirgan kasalliklari ham shifoxona ichi infeksiyasiga kiradi.
Havo sterilizatori – tibbiy asbob-anjomlarni issiq havo yordamida sterilizatsiya qilishga mo‘ljallangan maxsus uskuna.
Mukammal tozalash – xonalarni (barcha yuzalar, mebel va uskunalar) dezinfeksiyalovchi vositalar yordamida artish va/yoki yuvish va havoni zararsizlantirish bilan o‘tkaziladigan namli tozalash usulidir.
Qo‘llarga gigienik ishlov berish – yuvuvchi yoki antiseptik vositani qo‘llash bilan tibbiyot xodimlari qo‘llari kaftlari terisidan tranzitor mikroflora va boshqa ifloslanishlarni yo‘qotish bo‘yicha uslublar yig‘indisidir.
Dezinfeksiya – yuqumli va parazitar kasalliklar qo‘zg‘atuvchilarini yo‘qotishga qaratilgan chora-tadbirlar majmuasi.
Yuqori darajali dezinfeksiya – bakteriyalar, viruslar va sporalarni yo‘qotadigan dezinfeksiya turidir.
O‘rta darajali dezinfeksiya – sporalardan tashqari, bakteriyalar, viruslar, zamburug‘lar, sil mikobakteriyalarini yo‘qotadigan, lekin sporalarga ta’sir qilmaydigan dezinfeksiya turidir.
Past darajali dezinfeksiya – bakteriyalar, ba’zi bir zamburug‘lar, viruslarni yo‘qotishga, lekin sil mikobakteriyalari kabi qo‘zg‘atuvchilarga chidamli bakteriyalar ta’sir qilmaydigan dezinfeksiya qilish turidir.
Dezinfeksiya vositalari – yuqumli va parazitar kasalliklarni oldini olish va ular bilan kurashish uchun qo‘llaniladigan ularni tashuvchilari va qo‘zg‘atuvchilarini nobud bo‘lishiga olib keluvchi dezinfeksiya, sterilizatsiya dezinseksiya, deratizatsiya vositalari.