Тиббий биология ва генетика Тиббиёт олийгохи талабалари учун дарслик

Хроматиннинг спиралланиш даражалари кетма кетлиги

фибрилла	Қисқариш даражаси		Диаметр нм
	Олдинги структура б-н таққослаганда.	ДНК молекуласи б-н таққослаганда
ДНК	1	1	1-2
Нуклеосомали ип	7	7	10
Элементар хроматинли фибрилла	6	42	20-30
Интерфазали хромонема	40	1600	100-200
Метафазали хроматида	5	8000	500-600

Нуклеосомали ип. Хроматиннинг бу тузилиши даражаси тўрт турдаги нуклеосомали гистонлар: н2а, н2в, н3, н4 ҳисобига таъминланади.Улар ҳар бир гистонга икки молекула тўғри келадиган, саккиз молекуладан иборат ҳалқасимон шаклли оқсил таначалар ҳосил қилади. ДНК молекуласи оқсил таначаларига спиралсимон ўралиб комплексланади, бунда хар бир оқсил ҳалқасига ДНКнинг 146 жуфт нуклеотиддан иборат қисми бирикиб туради, ДНКнинг оқсил таначаларига бирикмаган эркин қисми боғловчи ёки линкерли қисм дейилади,улар ҳужайра типига қараб 15тадан 100тагача полинуклеотидлардан иборат бўлади.
ДНК нинг200 полинуклеотиддан иборат қисми оқсил таначалари билан бирга нуклеосомани ташкил қилади.Шундай тузилиш ҳисобига хроматин тузилишининг асосида такрорланиб турувчи занжирсимон бирлик –нуклеосомалар ётади. Шунга асосан 3*10⁹ полинуклеотиддан иборат бўлган одамнинг геноми, 1,5*10⁷нуклеосомага ўралган ДНКнинг қўш занжир кўринишида бўлади.

41-расм.

42-расм.
Нуклеосоманинг иккита фаол қисми бўлиб,бири “ўзак”, иккинчиси эса “боғловчи қисм”деб аталади. “Боғловчи “қисм нуклеосомаларни ўзаро бир бири билан боғлаб туради. Нуклеосоманинг бир бутинлигини ва мустаҳкамлигини Н1 гистонли оқсиллар таъминлайди.Спиралнингқалинлиги 1,5 нм бўлган ДНКни нуклеосомага ўралган бўлади.ДНК ва нуклеосомадан иборат бўлган уюшманинг диаметри 10-13 нмга тенг. ДНКини яна спиралланиши ва оқсилнинг бирлашишидан диаметри 20-25нм бўлган ип ҳосил бўлади(41,42-расмлар). Бундай диаметрга эга бўлган ипни интерфазада ҳам метафазада ҳам электрон микроскоп ёрдамида кўриш мумкин. Бу ипнинг янада спираллашиши натижасида метафаза хромосомаси шаклланади. ДНК ипининг нуклеосомага ўралиши натижасида унинг узунлиги 6 мартагача камаяди,натижада ирсий омилнинг хромосомада янада жипс жойлашига қулайлик яратилади.
Кариотип сони, шакли, узунлиги аниқ қўрсатилган битта ҳужайра хромосомаларининг диплоид тўплами. Кариотип ҳар бир тур учун доимий бўлиб, бу турнинг асосий белгиларидан ҳисобланади. Кариотипда аутосомалар ва жинсий хромасомалар алоҳида кўрсатилади.