Тиббий биология ва генетика Тиббиёт олийгохи талабалари учун дарслик

Митохондрий-эукариот ҳужайрасининг икки мембранали органоиди. Ҳужайравий нафас олиш жараёнида митохондриялар озуқа моддаларининг кимёвий боғлар энергиясига айлантиради.Биринчи марта 1894 йил Р.Альтман тамонидан тушинтирилган, митохондрий атамаси эса биринчи марта 1897 йилда К.Бенда тамонидан ишлатилган.
Митохондрий –юмалоқ ёки таёқчасимон тузилма бўлиб, узунлиги 10мкм, диаметри 0,2-1 мкмга етади(21-расм). Кўпчилик ҳайвон ҳужайраларида митохондрийлар сони 150-1500та бўлади, аёллар жинсий хужайраларида уларнинг сони бир неча юзминга етади, сперматозоидларда эса хивчини ўқи атрофига спиралсимон ўралган битта гигант митохондрия бўлади. Одам паразити бўлган трипаносомада ҳам битта тармоқланган митохондрия учрайди.

21-расм.

22-расм.
Ё
руғлик микроскопида ипсимон таначалар холида кўринувчи тузилмаларни электрон микроскопда қаралганда, уларнинг икки қават мембрана билан ўралганини кўринади. Ҳар бир мембрана элементар биологик мембрана бўлиб, ташқи мембранаси силлиқ ,ичкиси эса кўпгина
23-расм.
ўсимталар (криста) ҳосил қилиб органоид ичига ботиб киради(22,23-расмлар). Ҳужайраларнинг бажарадиган фаолиятига кўра кристалар сони турлича бўлади. Митохондриянинг мембраналари кимёвий таркиби, ферментлар тўплами ва функцияси билан бир биридан фарқ қилади. Митохондриянинг ички суюқлиги – матрикс электрон жиҳатдан анча зичдир. Матриксда ўта электрон зич диаметри 20-40 рм юмалоқ доначалар, уларда кальций ва магний ионлари,ҳамда полисахаридлар-гликоген тўпланади.
Ташқи мембрана ўзида транспорт оқсилларни сақлайди.Улар элаксимон бўлиб,массаси 10000 дальтонгача бўлган барча молекулалрни. Жумладан оқсилларни ҳам ўтқазади. Ташқи мембрана оқсиллардан (15%) ва фосфолипидлардан (85%) иборат. Демак ташқи мембрана силлиқ,йирик тешикчаларга эга, АДФ, фосфат,пироузим кислоталарни ўтқаза олади.
Ички мембрана 70%оқсиллардан ва 30% фосфолипидлардан иборат. Улар баргсимон (криста) ёки найсимон (тубулалар) шаклида бўртиқчалар ҳосил қилади. Махсус ўтказувчанлик ва фаол транспорт тизимига эга. Митохондрия оқсиллари нафас занжиридаги оксидланиш реакцияларини (АТФ-синтези) катализлайдиМембраналарда жойлашган оксидланиш-қайтарилиш ферментлари ҳужайравий нафас олишни таъминлайди. Бир қисм оқсиллар транспортда иштирок этади.