Тиббий биология ва генетика Тиббиёт олийгохи талабалари учун дарслик

Ҳужайрани таркибига кирувчи муҳим кимёвий элементлар

Элемент	Белгиси	Ҳужайрадаги тахминий миқдори	Ҳужайра ва организм учун аҳамияти
Кислород	O2	62%	Сув ва органик моддалар таркибига киради
Углерод	C	20%	Барча органик моддалар таркибига киради
Водород	H	10%	Сув ва органик моддалар таркибига киради
Азот	N	3%	Аминокислоталар, оқсил, нуклеин кислоталар, АТФ, хлорофил ва витаминлар таркибига киради.
Кальций	Ca	2,5%	Ўсимлик ҳужайра девори таркибига, суяк тўқимаси ва тиш эмали таркибига киради. Қон ивиши ва мускул толаси қисқаришини фаоллаштиради.
Фосфор	P	1%	Суяк тўқимаси ва тиш эмали, нуклеин кислоталар АТФ ҳамда айрим ферментлар таркибига киради.
Олтингугурт	S	0,25%	Аминокислоталар (систеин, систин, метионин, метионин Б1 витамини ва айрим ферментлар) таркибига киради.
Калий	K	0,25%	Ҳужайрада фақат ион кўринишида бўлади. Оқсил синтези ферментларини фаоллаштиради. Юрак фаолиятининг нормал ритмини таъминлайди. Фотосинтезда иштирок этади.
Хлор	Cl	0,2%	Манфий ион кўринишида ҳайвон организмида кўпроқ бўлади. Ошқозон ширасида хлорид кислотанинг компоненти ҳисобланади.
Натрий	Na	0,10%	Ҳужайрада ион кўринишида бўлади. Юрак фаолиятининг нормал ритмини таъминлайди. Гормонлар синтезига таъсир қилади.
Магний	Mg	0,07%	Хлорофил молекулалари ҳамда суяк ва тишлар таркибига киради. Энергетик алмашинувини ва ДНК синтезини фаоллаштиради
Ёд	J	0,01%	Қалқонсимон без гормонлари таркибига киради.
Темир	Fe	0,01%	Кўпчилик ферментлар гемоглобин ва миоглобин таркибига киради. Хлорофил биосинтезида, нафас олиш жараёнларида, фотосинтезда иштирок этади.
Мис	Cu	0,01%>	Умуртқасизларда гемосианин таркибига киради. Айрим ферментлар таркибига киради. Қон ҳосил бўлиш ва гемоглобин синтези жараёнларида иштирок этади.
Марганес	Mn	0,01%>	Айрим ферментлар таркибига кириб уларнинг фаоллигини оширади. Суякларнинг ривожланишида ва азот ассимиляциясида иштирок этади.
Рух	Zn	0,01%>	Айрим ферментлар таркибига киради. Полипептидларни парчалашда иштирок этади.
Фтор	F	0,01%>	Тиш эмали ва суякнинг таркибига киради.

Ҳужайра таркибига кирувчи моддалар анорганик ва органик моддаларга бўлинади. Анорганик моддаларга сув ва минерал тузлар киради. Органик моддаларга эса оқсиллар, углеводлар, липидлар ва нуклеин кислоталар киради.