Тиббиёт йўналиши талабаларини инглиз тилида лексик бирликларни ўзлаштириш

2.3 Тиббиёт йўналиши талабаларини инглиз тилида лексик компетенциясини ривожлантириш технологиялари.
ФСМУ технологияси, технологиянинг тавсифи. Ушбу технология мунозарали масалаларни ҳал этишда, баҳс-мунозаралар ўтказишда ёки семинар якунида талаба (ёки талаба)ларнинг машғулотлари ҳамда ўтилган мавзу ва бўлимлардаги баъзи мавзулар, муаммоларга нисбатан фикрларини билиш мақсадида) ёки режаси асосида бирор-бир бўлим ўрганилгач қўлланилиши мумкин. Чунки бу технология талаба (ёки талаба)ларни ўз фикрини ҳимоя қилишга, эркин фикрлаш ва ўз фикрини бошқаларга ўтказишга, очиқ ҳолда баҳслашишга, шу билан бир қаторда талабалар томонидан машғулот жараёнида эгалланган билимларини таҳлил этишга ва эгаллаганлик даражасини аниқлашга, баҳолашга ҳамда тингловчиларни баҳслашиш маданиятига ўргатади. Технологиянинг мақсади. Ушбу технология талабаларни тарқатилган оддий қоғозга ўз фикрларини аниқ ва қисқа ҳолатда ифода этиб, тасдиқловчи далиллар ёки инкор этувчи фикрларни баён этишга ёрдам беради.
Машғулотни ўтказиш тартиби: Ўқитувчи ҳар бир талаба (ёки талаба)га ФСМУ технологиясининг тўрт босқичи ёзилган қоғоз варақларини тарқатади ва якка тартибда уларни тўлдиришини илтимос қилади. Бу ерда: -Ф - фикрингизни баён этинг; -С - фикрингиз баёнига сабаб кўрсатинг; -М - кўрсатган сабабингизни асословчи мисол келтиринг; -У - фикрингизни умумлаштиринг. Талабалар билан баҳс мавзуси (ёки муаммо)ни белгилаб олади;
-якка тартибдаги иш тугагач, талабалар кичик гуруҳларга ажратилади ва ўқитувчи кичик гуруҳларга ФСМУ технологиясининг тўрт босқичи ёзилган катта форматдаги қоғозларни тарқатади; кичик гуруҳларга ҳар бирлари қоғозларда ёзган фикр ва далилларини катта форматда умумлаштирган ҳолда тўрт босқич бўйича ёзишларини таклиф этилади;
-ўқитувчи кичик гуруҳлардан ёзган фикрларини жамоа ўртасида ҳимоя қилишларини сўрайди; - машғулот ўқитувчи томонидан муаммо бўйича билдирилган фикрларни умумлаштириш билан якунланади, иштирокчиларнинг муносабатлари индивидуал ёки гуруҳий тартибда тақдимот қилинади. ФСМУ таҳлили қатнашчиларда касбий-назарий билимларни амалий машқлар ва мавжуд тажрибалар асосида тезроқ ва муваффақиятли ўзлаштирилишига асос бўлади. Намуна! Фикр:
“ Ўқитувчини иннаватцион фаолиятга таёйрлаш.”. Топшириқ: Мазкур фикрга нисбатан муносабатингизни ФСМУ орқали таҳлил қилинг.
“Зинама – зина” технологияси Технологиянинг тавсифи. Бу технологиядан фойдаланиш тиббиёт талабаларининг лексик бирликларни ёдлашларида жуда катта ёрдам беради.Ушбу машғулот талабаларни ўтилган ёки ўтилиши керак бўлган мавзу бўйича якка ва кичик жамоа бўлиб фикрлаш ҳамда хотирлаш, ўзлаштирилган билимларни ёдга тушириб, тўпланган фикрларни умумлаштира олиш ва уларни ёзма, расм, чизма кўринишида ифодалай олишга ўргатади. Бу технология талабалар билан якка ҳолда ёки гуруҳларга ажратилган ҳолда ёзма равишда ўтказилади ва тақдимот қилинади. Технологиянинг мақсади талабаларни эркин, мустақил ва мантиқий фикрлашга, жамоа бўлиб ишлашга, изланишга, фикрларни жамлаб улардан назарий ва амалий тушунча ҳосил килишга, жамоага ўз фикри билан таъсир эта олишга, уни маъқуллашга, шунингдек, мавзунинг таянч тушунчаларига изоҳ беришда эгаллаган билимларини қўллай олишга ўргатиш. Технологиянинг қўлланиши: маъруза (имконият ва шароит бўлса), семинар, амалий ва лаборатория машғулотларида якка тартибда ёки кичик гуруҳларда ўтказиш ҳамда назорат дарсларида қўлланилиши мумкин. Машғулотда қўлланиладиган воситалар: А-3, А-4 форматли қоғозларда тайёрланган (мавзуни ажратилган кичик мавзулар сонига мос) чап томонига кичик мавзулар ёзилган тарқатма материаллар, фломастер (ёки рангли қалам)лар.