Thesis · April 2020 doi: 10. 13140/RG

 
ТАЪЛИМНИНГ СИФАТ-САМАРАДОРЛИГИНИ ТАЪМИНЛАШДА – ЯНГИ 
МУЗЕЙЛАРНИНГ ЎРНИ 
Қурбонов Х.Р. – т.ф.н., НДПИ, Ўзбекистон. 
Аннотация: 
Ушбу мақолада ҳудудлардаги олий таълим муассасаларида ташкил 
қилинган янги музейлар ҳақида сўз боради. Ушбу музей экспозициялари асосида ташкил 

---

ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
598 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
қилинган фанлар ва музей экспозицияларининг таълим сифатига таъсир этиш омиллари баён 
қилинган.

Таянч сўзлар:
таълим, сифат, самардорлик, музей, қатағон қурбонлари, хотира, фан, 
илм, маънавият.
Аннотация: 
В данной статье рассматриваются проблемы науки и музеи, созданные в 
высших учебных заведениях. Перманентно рассмотрены дисциплины на основе музейных 
экспозиций и факторы, влияющие на качество образования музейных экспозиций. 
 Ключевые слова:
образование, качество, эффективность, жертвы репрессий, музей, 
память, наука, нравственность. 
Annatation: 
This article discusses the new museums established in higher education 
institutions in the regions. The disciplines organized on the basis of these museum expositions and 
the factors influencing the quality of education of museum expositions are described 
Keywords:
education, quality, efficiency, museum, victims of repression, memory, discipline, 
science, spirituality
 
 
Сифатли таълим олиш инсонларнинг яшаш шароитларини яхшилашга ва барқарор 
ривожланишига асос бўлади. 
“Олий таълим тизимини замонавий усуллар ёрдамида самарали бошқариш, соҳада 
моддий-техник базани кучайтириш, ўқув-методик ишларни такомиллаштириш бўйича 
жиддий чоралар кўришимиз зарур. Кадрлар буюртмачилари ҳисобланган иқтисодиёт 
тармоқларининг реал эҳтиёжидан келиб чиқиб, олий таълим тизимини ривожлантиришнинг 
стратегиясини белгилаш, давлат таълим стандартлари ва малака талабларини қайта ишлаб 
чиқиш, талабаларнинг малакавий амалиётини самарали ташкил этиш лозим”, - деб 
таъкидлайди Президентимиз Ш.Мирзиёев[1]. 
Ана шу замонавий усуллардан бири амалий машғулотларни фан йўналишидаги 
лабораториялар, таълим сифатига ижобий таъсир қилувчи маконларда ташкил қилиш, айни 
муддао. 
Муҳтарам Президентимизнинг 2017 йил “Шаҳидлар хотираси” хиёбони ва “Қатағон 
қурбонлари хотираси музейи”га ташрифлари чоғида: “Бу музей – музейларнинг музейи 
бўлиши керак!”, “Бу каби музейлар ҳар бир вилоят марказларида, ҳудудлардаги олий таълим 
муассасаларида бўлиши лозим” [2], деган топшириқлари ижроси ўлароқ, шунингдек Эл-
юртимиз озодлиги, эркинлиги ва мустақиллиги учун олиб борилган кўп йиллик машаққатли 
курашларни ҳаққоний ва тўлақонли акс эттириш, мустабид тузум давридаги оммавий 
қатағонлар туфайли қурбон бўлган, инсонийлик шаъни, қадр-қиммати топталган 
ватандошларимизнинг хотирасини абадийлаштириш, ёш авлод қалбида Ватанга муҳаббат, 
истиқлол ғояларига садоқат туйғуларини кучайтириш мақсадида Ўзбекистон Республикаси 
Вазирлар Маҳкамасининг 2017 йил 22 ноябрдаги “Ўзбекистон Республикаси Вазирлар 
Маҳкамаси ҳузуридаги Қатағон қурбонлари хотираси давлат музейи ва ҳудудлардаги олий 
таълим муассасалари тузилмасида Қатағон қурбонлари хотираси музейларини ташкил этиш 
чора-тадбирлари тўғрисида”ги 936-сонли қарори асосида республикамизнинг 14 та 
ҳудудидаги Олий таълим муасасалари тузилмасида, жумладан Навоий давлат педагогика 
институти тузилмасида Қатағон қурбонлари хотираси музейи ташкил қилинди.
Навоий давлат педагогика институти тузилмасида қарор талабларидан келиб чиқиб 
Музей ташкил этилиши муносабати билан олий таълим муассасаси Уставига ҳамда институт 
тузилмасига белгиланган тартибда ўзгартиришлар киритилди. 
Музей экспозициясини ташкил қилишда Ўзбекистон Республикаси Вазирлар 
Маҳкамаси ҳузуридаги Қатағон қурбонлари хотираси давлат музейнинг Намунавий Низоми, 
Намунавий иш режа, Намунавий тақвим-режалари қабул қилинди ва шу асосида музейнинг 
Низоми ва режалари ишлаб чиқилди. 

---