Thesis · April 2020 doi: 10. 13140/RG

ЖОРИЙ ЭТИШНИНГ СИФАТ ВА САМАРАДОРЛИГИНИ ОШИРИШ
 
Алмуратов З. О. – ўқитувчи, ТВХТХҚТМОИ, Ўзбекистон. 
Аннотация: 
Ушбу мақолада таълим жараёнига электрон ахборот таълим 
ресурсларини жорий этишнинг сифат ва самарадорлигини ошириш ҳақида фикр юритилган 
бўлиб, таълимда инновацион технологияларнинг ўрни ва аҳамияти баён этилган. 
Шунингдек, дарс жараёнида ахборот коммуникацион технологияларидан фойдаланишнинг 
муҳим жиҳатлари, билимларнинг ўқувчилар томонидан самарали ўзлаштирилишига хизмат 
қилиши асосланган. 
Калит сўзлар:
соғлом бола, ахборот коммуникацион технология, узлуксиз таълим, 
эҳтиёж, дастур, дарслик, мультимедиа, фаоллик. 
Аннотация:
В данной статье отмечается педагогические условия об образовании 
непреривного методического обеспечения в сфере народного образования. А также 
особенности использование ИКТ во время уроков, освоение учениками навыков. 
Ключевые слова: 
здоровый ребёнок, инфомационное коммуникационное 
технология, непреривное образование, мотивация, программа, учебник, мультимедиа, 
активные.
Annatation:
In this article organizing continuous methodical provision of Public Education 
system and importance of innovative technologies are described. And also, using of the 
Information Communication Technologies in teaching process is discussed. 
Key words:
continuous education, Information Communication Technologies, demand, 
program, textbook, multimedia, the active. 

---

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
189 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
Узлуксиз таълим тизимида сифат ва самарадорликни белгиловчи асосий вазифаларни 
амалга ошириш, таълим муассасаси мутахассислари фаолиятини инновацион ташкил этиш, 
таълим тизимини методик таъминлаш ҳозирги куннинг долзарб вазифаларидан биридир. 
Бевосита методик таъминот бу вазифанинг асосий омилига айланади. 
Узлуксиз таълим тизимида ташкил этилувчи таълим жараёнида ўқувчи шахсининг 
дарс марказидаги фаолиятини таъминлаш ўқитувчи зиммасидаги маъсулиятли вазифадир. 
Ўқитувчи ана шундай жараёнда дарс лойиҳасини мақсадга мувофиқ ташкил этмоғи ва 
кўзланган натижага эришмоғи учун изланиши, янги ғоялар билан дарсга кириши, ҳар бир 
дарсни янги бир асардек ташкил этмоғи керак.
Инновацион технологиялар таълим соҳасига XIX аср бошида таълим жараёнини 
инсонпарварлаштириш ғояси асосида кириб келган. Бунда ўқувчининг ўз хоҳиш-истагига 
қараб, қизиқишларини қондириш, ҳар бир болани ҳурмат қилиш, ўқувчи шахси таълим-
тарбия жараёнининг марказида бўлиши масалаларига эътибор қаратилади. 
Таълим жараёнида ахборот технологияларидан фойдаланишнинг мақсади дарс 
машғулотларига сезиларли ижобий самара берувчи янгилик киритишдан иборат. АКТ 
таълим моделида педагоглар фасилитатор, тьютор, медиапедагог, модератор каби 
вазифаларни адо этадилар. Жумладан компьютер технологиялари асосида таълим беришда 
педагог фасилитатор вазифасини, масофадан ўқитиш таълимида тьютор вазифасини, 
медиатаълим берувчи педагог эса медиапедагог номи билан, интернет форумда ишловчи 
педагог модератор вазифасини бажаради. 
Малака ошириш тизимида ўқитувчиларнинг АКТ бўйича билимларини бойитиш ва 
ҳамда ахборот технологиялари ҳақида чуқур билим ва амалий кўникма бера оладиган 
педагогларни тайёрлаш муҳимдир.
Дарс жараёни мураккаб ижодий машғулот бўлганлиги боис унинг самарадорлиги кўп 
жиҳатдан ўқитувчиларнинг маҳорати ва ижодкорлигига боғлиқ. Ўқувчиларни фаоллаштириш 
учун ахборот технологиялари, ўйин, баҳс, суҳбат, мусобақа, саёҳат, конференция, давра 
суҳбати, ролли ўйинларни қўллаш, китоб билан ишлаш, компьютер машғулотларига етарлича 
вақт ажратиш керак. 
Таълим жараёнида ахборот коммуникацион технологияларнинг ўринли қўлланилиши, 
машғулотларнинг қизиқарли тарзда ташкил этилиши билан бирга ўқув материалларининг 
чуқур ўзлаштирилишига кенг имконият яратиб беради.
Таълим жараёнини яратилган мультимедиали ресурслар билан ташкил этиш албатта 
ижобий натижаларни кўрсатадики, мультимедиали иловаларнинг афзаллик томонларидан 
бири мавзуларга тегишли анимациялардан гипермурожаатлаш ёрдамида фойдаланиш 

---