Texnologik jihozlar va ularning ekspluatatsiyasi

Dvigatelning boshqarish modulini va elektr jihozlarini diagnostikalash jihozlari
Skanerlar. Zamonaviy elektron boshqarish blokiga ega bo’lgan dvigatellar maxsus diagnostikalash jihozlari va skanerlar yordamida nazorat qilinadi.
X-431 avtomobil skaneri (3.17-rasm.) universal, 2004 yilgacha ishlab chiqarilgan Evropa, Osiyo va Amerika avtomobillari (Mercedes Benst, BMV, Opel, Folksvagen, Audi, Seat, Shkoda, Toyota, Leksus, Xonda, Mitsubisi, Nissan, Mazda, Subaru, Kraysler, GM, Ford, Peugeout, Citroen, Kia, Land Rover, Porshe, Fiat, Reno, Xyundai, DEU, VAZ, GAZ, hamda OBD II/EOBD (SAE J1850 VPW, SAE J1850 PWM, ISO 9141-2, ISO 14230) andozalariga moslashtirilgan ixtiyoriy avtomobillar) elektron boshqaruv tizimlarini diagnostikalash uchun mo’ljallangan bo’lib ochiq diagnostika platformasi, mini-printer, adaptera va maxsus dasturga, elektron boshqaruviga ega.

3.17-rasm. Avtomobil skaneri, mod. X-431	3.18-rasm. Portativ motor-tester, mod.KES-200

KES-200 portativ motor-tester (3.18-rasm.) zamonaviy diagnostika asbobi hisoblanadi. U klassik motor-testerlarning barcha funkstiyalariga ega, hozirgi kunda mavjud bo’lgan barcha o’t oldirish tizimlarida ishlay oladi, zamonaviy barcha avtomobil datchiklari va ijrochi elementlar zanjiridagi signallarni ko’ra oladi. Asbob o’zida 4 kanalli ixtisoslashgan xotirali avtomobil osstilografini, multimetr, dvigatel analizatorini jamlagan.

KES-200 ning imkoniyatlari:

• 
  Avtomobil datchiklari va boshqaruv tizimlari signallarini aks ettiruvchi va osstilogramma tahlili uchun 1, 2 yoki 4 kanalli rejim;
  
• 
  Oxirgi 50 ta kadrni operativ xotirasida saqlash;
  
• 
  Aks ettirish parametrlarini avtomatik tarzda tanlash;
  
• 
  Test natijasidagi osstilogrammalarni pribor xotirasidagi andozaviylari bilan solishtirish;
  
• 
  Tekshiralayotgan datchik yoki ijrochi elementga “tez” yordam ko’rsatish (vazifasi, mumkin bo’lgan turlari, ishlash tartibi, ulanish tartibi, o’rnatilish joyi, tekshirish uslubi va boshqalar);
  
• 
  Klavishlar vazifasi bo’yicha yordam;
  
• 
  Yoritiluvchi va tasvirni rostlovchi katta displey bir vaqtni o’zida 4-ta ostilogrammani taxlil qilish imkonini beradi;
  
• 
  Kursor tizimining qo’llanilishi signallar parametrini yuqori aniqlikda o’lchash imkonini beradi;
  
• 
  Asbob xotirasida 8-tagacha osstilogrammani saqlash imkoniyati;
  
• 
  Test jarayonida signallarning maksimal va minimal qiymatlarini aks ettirish imkoniyati.