Termiz davlat universiteti tabiiy fanlar fakulteti geografiya kafedrasi

5. Xo'jaligi.
A).Qishloq xo'jaligi.Indoneziya-agrar-industrial mamlakat. Qishloq xo'jaligi Indoneziya iqtisodiyotining yetakchi tarmog'i hisoblanadi. Mehnatga yaroqli aholining yarmidan ko'prog'i qishloq xo'jaligida band. Mamlakat tabiiy kauchuk va palma yog'i ishlab chiqarish bo'yicha dunyoda birinchi o'rinda turadi. Indoneziya daraxt yog'ochidan yasalgan buyumlar, tamaki, choy, qahva, ziravor-dorivorlar, shuningdek, baliq va dengiz mahsulotlari yetkazib beruvchi eng katta davlatdir. Mamlakatda donli ekinlardan sholi, makkajo'xori ekiladi.
Chorvachilik tarmog'ida qoramolchilik, cho'chqachilik, echkichilik, qo'ychilik, yilqichilik va parrandachilik muhim o'rin tutadi.
B).Sanoati.Indoneziya hududining 65 foizi o'rmon bilan qoplangan bo'lib, qimmatbaho yog'och tayyorlanadi. Konchilik sanoati byudjet tushumlarining ancha qismini ta'minlaydi. Mamlakatda yiliga o'rtacha 576 mln barrel neft qazib olinadi. Indoneziya suyultirilgan tabiiy gazni chetga chiqarishda dunyoda birinchi o'rinda, nikel qazib olishda to'rtinchi o'rinda qalayi qazib olishda ikkinchi o'rinda, turadi. Mahsulot ishlab chiqarish sanoatining asosini iste'mol mollari: gazlama, charm buyumlar, ro'zg'orbop kimyoviy mahsulotlar, oziq-ovqat mahsulotlari tashkil etadi. Shuningdek sholi oqlash, tamaki, qand shakar, choy, yog', ip-gazlama, jun, qurilish materiallari, farmasevtika va poligrafiya, konditer korxonalari va mineral o'g'it, shina zavodlari ishlab turibdi. Mamlakatda yuksak texnalogiyali tarmoqlardan kemasozlik, samolyotsozlik, neft kimyosi, avtomobil yig'ish, radioelektronika sohalari jadal rivojlanmoqda.
V).Transporti.Mamlakatda temir yo'llarning umumiy uzunligi 6964 km, avtomobil yo'llarining uzunligi 119500 km ichki suv yo'llari 21579 kmni tashkil etadi. Shuningdek dengiz transportining ahamiyati katta bo'lib, mamlakatda Tanjungprion (Jakarta porti), Surabaya, Palembang, Balikpapan, Ujungpan kabi yirik dengiz portlari ishlab turibdi.
6.Tashqi iqtisodiy aloqalari.
Indoneziya jahoning Yaponiya, AQSH, Singapur, Germaniya kabi rivojlangan mamlakatlari bilan iqtisodiy aloqalarni olib boradi.
Keys banki
1.Indoneziyaning iqtisodiy-ijtimoiy rivojlanishiga ta’sir etuvchi geografik omillarni belgilang.
2.Indoneziyada milliy iqtisodiyotning qaysi sohalarini rivojlantirish maqsadga muvofiq deb o’ylaysiz.
3.Indoneziya iqtisodiyotining rivojlanishini cheklovchi omillar to’g’risida gapirib bering.