Termiz davlat universiteti tabiiy fanlar fakulteti geografiya kafedrasi

Nazorat savollari
1.Mamlakatning siyosiy-iqtisodiy geografik o’rniga baho bering.
2.Koreya tabiiy sharoiti va mineral resurslarining xo’jalik ahamiyati xususida gapirib bering.
3.Mamlakat aholisi soni va o’sishi hamda joylashishining demografik jihatlariga ta’rif bering.
4.Mamlakat aholisining tarkibi, migratsiyasi,hamda urbanizatsiya jarayonlari to’g’risida gapirib bering.
5.Mamlakatning siyosiy ijtimoiy hayotida siyosiy partiyalarning mavqei shuningdek Koreyaning xalqaro maydondagi tashqi siyosati haqida so’zlab bering.
6. Koreya xo’jaligining tarmoqlar tarkibi,va ularning hududiy joylashishi,hamda rivojlanish darajasiga ta’rif bering.
7.Xaritadan mamlakatning eng asosiy sanoat,qishloq xo’jaligi va transport rivojlangan rayonlarini ko’rsating.
8.Mamlakat tashqi iqtisodiy aloqalarining geografik xususiyatlarini izohlab bering.
15-Mavzu.SHARQIY OSIYONING RIVOJLANAYOTGAN DAVLATLARI (4 soat)
XITOY XALQ RESPUBLIKASI. (XXR)
REJA:
1. Iqtisodiy-siyosiy geografik o'rni.
2. Tabiiy sharoiti va resurslari.
3. Aholisi.
4. Davlat tuzumi.
5. Xo'jaligi:
A) Sanoat tarmoqlari.
V) Qishloq xo'jaligi.
V) Transporti.
6. Tashqi iqtisodiy aloqalar.
Maydoni-9,62 mln km²
Aholisi-1 447 492 695 kishi (2021y 22.06)
Poytaxti-Pekin
Tayanch so'zlar:
Qulay geografik o'rin, xilma-xil va tabiiy sharoit va boy mineral resurslar, eng seraholi mamlakat, demografik siyosat, yirik xalqlar, kam sonli millatlar, iqtisodiy rivojlanishdagi hududiy tafovutlar, sanoat, qishloq xo'jaligi va transport tarmoqlarining rivojlanishi.
1). Iqtisodiy-siyosiy geografik o'rni.
Xitoy Xalq Respublikasi Markaziy va Sharqiy Osiyoda joylashgan bo'lib, xududining kattaligiga ko'ra uchinchi o'rinda turadi. Mamlakat sharqdan g'arbga 5700 kmga shimoldan janubga 3650kmga cho'zilgan. Xitoy 15 ta davlat va xududlar bilan chegaradoshdir. Uning 30 foizdan ortiq chegarasi MDH mamlakatlari bo'ylab o'tgan.
XXR xududi orqali va unga qo'shni MXR va MDH ga Tinch okeani qirg'oqlaridan Yevropa mamlakatlariga qisqa masofali quruqlik yo'li o'tgan. Bu Dalyan-Xarbin va Manjuriya Pekin-Eren-Xoto va Ulan Bator yo'nalishidagi temir yo'llar bo'lib, ikkala temir yo'l ham Rossiyadagi Transibir magistraliga chiqish imkoniga ega. XHR ning dengiz bo'yi geografik o'rnining qulayligi muhim axamiyatga ega bo'lib uning dengiz chegaralarining uzunligi 15 ming kmni tashkil etadi.(7 provinsiya dengizi bo'yida joylashgan).
Xitoyning sharqiy qirg'oqlarini Sariq, Sharqiy-Xitoy, Janubiy Xitoy dengizi suvlari yuvib turadi.