Tеrmiz davlat univеrsitеti kasbiy ta’lim kafedrasi

Tur usulini o‘tkazishni boshqarish:

• 
  Yaxshi va qulay joy tayyorlash, talabalar bir-birlarini yaxshi ko‘rib turishlari lozim.
  
• 
  Usulni to‘g‘ri olib borishni tushuntirish.
  
• 
  Qatnashmayotgan talabalar jimlik bilan hamma fikrlarni eshitib turishlari lozim. Talabalar bir-birlarini va o‘qituvchi aytganlarini qaytarmasliklari kerak.
  
• 
  Agar noaniqlik bo‘lsa, uni dars yakunida muhokama qilish lozim.
  
• 
  Agar talabani javob berish navbati yetib kelgan bo‘lsa, men keyin javob beraman desa, unga hech qanday chora ko‘rilmaydi, tanbeh berilmaydi.
  
• 
  Dars mobaynida o‘z fikrini bildira olmagan talabalarga imkoniyat beriladi va ular javob beradilar.
  
• 
  Usul yakunida hammaga minnatdorchilik bildiriladi.
  

Maslahatlar:
Dars davomida talabalarga o‘yin qoidalarini tushuntirib eslatib turing, gohida ular savolni tushunolmay fikrlari buzilishi mumkin.
Agar siz bu usulni bu guruhga birinchi bor qo‘llayotgan bo‘lsangiz ularga nima qilishlari kerakligini va nimani gapirishlari kerakligini tushuntiring.
Guruh tajribali bo‘lsa, mashqni turli xilda boshlashingiz mumkin.
Tur usulini darsni boshlanishida va oxirida qo‘llagan ma’qul.
Shunday qilib, yuqoridagi yangi pedagogik texnologiyaning interfaol usullari dars jarayonida talabalarning o‘tilayotgan fan mavzularini yaxshi tushunishning usullari qulay tanlansa, unda samarali qo‘llanilsa va zamonaviy texnik hamda didaktik vositalardan keng miqyosda foydalanilsa, kelajakda biz ta’lim-tarbiya berayotgan talabalar yetuk kadrlar bo‘lib, bilimlari yuksak saviyada bo‘lishlariga erishiladi. Natijada mustaqil O‘zbekistonning yosh avlodga, ya’ni oliy va o‘rta-maxsus umum ta’lim tizimlarida ta’lim olayotgan o‘quvchi-talabalarga mukammal ta’lim-tarbiya beruvchi chuqur bilimli o‘qituvchi-kadrlarni tayyorlashdayangi pedagogik texnologiyalarning interfaol usullari o‘zining salmoqli samarasini beradi degan umiddamiz.


TADQIQOT USULI.
Ta’lim oluvchilarning ayrim tadqiqot ishlarni, ya’ni diplom va kurs loyihalari, bitiruv ishlarini ilmiy asoslangan holda mustaqil bajarishlari, ularni yozish va qo‘yilgan maqsad va natijalarni tahlil qilishlari tadqiqot usulidir.
O‘qitish metodi sifatida, tadqiqotni turli xil ko‘rib chiqish mumkin. Ko‘pchilik pedagoglarning fikriga ko‘ra, tadqiqotlar o‘quvchilarga inson hatti-harakatiga nisbatan savollar qo‘yishni o‘rganishga va ularga javoblarni esa faktlarni jiddiy tahlil qilish yordamida topishga ko‘maklashadi.
Tadqiqot usulida o‘qitish o‘quvchilarda savol qo‘yish jarayonida va javob qidirishda qiziqish uyg‘otishni nazarda tutadi. Shuning uchun mazkur metod fanlarni o‘qitishda foydali bo‘lishi mumkin.
Tadqiqot metodi bo‘yicha o‘qitish o‘quvchilarni Amaliy ilmiy izlanish jarayonida bevosita qatnashishini ta’minlaydi. Bunday yondoshishning maqsadlaridan biri, mustaqil fikrlaydigan va aniq bilim olish tizimiga ega bo‘lgan insonlarni shakllantirishi kerak.
Muammolarni aniqlashda va berilgan ma’lumotlarni tahlil qilish davomida o‘quvchilar hissiyotlarga berilishdan chetlanishga va obektiv bo‘lishga o‘rganadilar. Ular faktlarni hurmat qila boshlaydilar va har qanday bilim nisbiy ekanligini, yangi ma’lumotlar paydo bo‘lishi bilan o‘zgarishini mohiyatiga tushunib yetadilar. O‘quvchilar o‘zlarining taxminlarini tekshirishni va boshqalarni tasdiqlashni, turli xil axborotlar va mantiqlarni qo‘llashni o‘rganadilar.
O‘qitishning tadqiqot usuli oliy darajadagi fikrlashga imkoniyat yaratadi (o‘quvchilar olingan ma’lumotlarni tahlil qiladilar).