Termiz davlat universiteti jahon tarixi kafedrasi muzeyshunoslik va arxivshunoslik

Arxiv xizmatlari. O’zR KSOH MDAda quyidagi xizmatlar amalga oshiriladi:

• 
  arxivda saqlanayotgan kino, surat va ovozli hujjatlar haqida
  ma’lumot berish;
  
• 
  tadqiqotchilar o’rganishi va ishi uchun kino, surat va ovozli
  hujjatlarni taqdim etish;
  
• 
  kino hujjatlarni video tasmaga ko’chirib berish;
  
• 
  surat va ovozli hujjatlar nusxalarini tayyorlash;
  
• 
  suratli ko’rgazma va stendlarni tashkil etish;
  
• 
  mavzuli so’rovlarni ijro etish;
  
• 
  suratli al’bomlar tayyorlash;
  

- arxiv bo’yicha umumiy va mavzuli ekskursiyalarni tashkil etish.
Ko’rsatilgan xizmatlar yuridik va jismoniy shaxslarning yozma so’rovnomalari asosida amalga oshiriladi. Arxivning kino, surat va ovozli xujjatlari faqat arxiv rahbari ruxsati orqali taqdim etiladi. Ruxsat beriladigan muddat ish mavzusi bo’yicha belgilanadi. Tadqiqotchilarni kino, surat va ovozli hujjatlar bilan ishlashi arxivning kino zali, katalog va ovozli hujjatlar eshitish xonalarida amalga oshiriladi.
O’zbekistonda Ilmiy-texnikaviy va tibbiyot hujjatlari Markaziy Davlat Arxivi tashkil topishi, faoliyati va asosiy jamg’armalari. O’zbekiston Ilmiy-texnikaviy va tibbiyot hujjatlari Markaziy Davlat arxivi 1962 yil O’z SSR Ministrlar Sovetining Qaroriga binoan tashkil etilgan.³⁴
2004 yilda arxiv S. Raximov tumani, Nozimaxonim ko’chasi, 86-uyda joylashgan yangi binoga ko’chib o’tdi. Arxivda quyidagi sohadagi korxona, tashkilot va muassasalardan xujjatlar qabul qilinadi va saqlanadi:

1. 
   Sanoat.
   
2. 
   Qishloq xo’jaligi.
   
3. 
   Suv xo’jaligi.
   
4. 
   O`rmon xo’jaligi.
   
5. 
   Transport.
   
6. 
   Qurilish.
   
7. 
   Turar-joy kommunal xujaligi.
   
8. 
   Maishiy xizmat ko`rsatish.
   
9. 
   Sogliqni saqlash muassasalari.
   

Arxivda ilmiy texnikaviy hujjatlar, konstruktorlik loyihalar va bir qancha tarixiy ahamiyatga ega xujjatlar saqlanadi.
Masalan, qishloq xo’jaligi sohasi bo’yicha O’zbekiston Respublikasi viloyatlari, tumanlarida qishloq xo’jaligini rivojlantirish to’grisidagi loyihalar va smetalar mavjud. Suv xo’jaligi sohasida Respublika bo’yicha xo’jaliklarni, xalqni ichimlik suvi bilan ta’minlash va yerlarni sug’orish ishlari haqidagi, o’rmon xo’jaligi soxasi bo’yicha cho’l yerlarni obodonlashtirish, ko’kalamzorlashtirish ishlari xaqida, transport sohasi bo’yicha ko’priklar qurish, yo’llarni ta’mirlash to’grisidagi, qurilish sohasida esa shaxardagi turar-joylar, binolar qurish, rekonstruksiya qilish haqidagi, paxta tozalash, paxtani qayta ishlash va yana bir qancha mashinalarning loyihalari haqidagi, sog’liqni saqlash sohasi bo’yicha ilmiy-tekshirish institutlarida olib borilayotgan ilmiy ishlar, tibbiyot sohasi tarixini rivojlantirishga oid doimiy saqlanadigan boshqaruv hujjatlari mavjud.
Bundan tashqari respublikada ilm-fan sohasini rivojlanishiga o’z hissalarini qo’shgan professor va olimlarning shaxsiy jamg’armalari tashkil qilingan bo’lib, ularning shaxsiy xujjatlari, suratlari, ilmiy ishlari qabul qilinadi va saqlanadi. Masalan, me’mor A.B. Boboxonov, kardiolog M.X.Xamidova, ximik T.M.Mirkomilov, stomatolog T.X. Safarov, onkologlar S. Navro’zov, Y.T. Tadjibayeva, M.A. Gafur-Oxukov, ginekolog-professor N.M. Maxmudova, A.A. CHoroxova, xizmat ko’rsatgan agronom M.M. Mirzayev, irrigator N.A. Aliyev, yirik suv xo’jaligi qurilishlarining rahbari ye.I. Ozerskiy, S.S. Kanash, bakgeriolog va patologoanatom S.P. CHoroxov, epidemiolog N.I. Xodukinlarning shaxsiy jamg’armalari saqlanadi.