Termiz davlat universiteti fuqarolik jamiyati

Maktab mehnat jamoasining umumiy yig‘ilishi zarur hollarda, ammo yiliga kamida ikki marta o‘tkaziladi.
Pedagogika kengashi majlislari, odatda, har chorakda bir marta o‘tkaziladi. O‘qituvchilar va tarbiyachilarning maktab ichidagi uslubiy birlashmalarining mashg‘ulotlari o‘quv choragida ko‘pi bilan ikki marta o‘tkaziladi.
Umumiy ota-onalar yig‘ilishlari yiliga kamida ikki marta, sinf yig‘ilishlari yiliga kamida to‘rt marta chaqiriladi.
Mehnat jamoasining yig‘ilishlari, pedagogika kengashla­ri­ning majlislari va uslubiy birlashmasining mashg‘ulotlari, odatda, ko‘pi bilan ikki soat, ota-onalar yig‘ilishlari - bir yarim soat, o‘quvchilar yig‘ilishlari-bir soat, to‘garaklarning mash­g‘ulot­lari - 45 daqiqadan bir yarim soatga qadar davom etishi kerak.
Yillik ta’tillar berish navbatini maktab ma’muriyati kasaba uyushmasi qo‘mitasi bilan kelishilgan holda maktabning normal ishlashini ta’minlash zaruriyatidan kelib chiqib va xodimlarning dam olishi uchun qulay sharoit yaratishni hisobga olgan holda belgilaydi. Ta’tillar, odatda, yozgi ta’til davrida beriladi.
Ta’lim muassasalariga mehnat haqi to‘lashga mo‘ljallangan mavjud mablag‘lar doirasida oylik va lavozim maoshlariga tabaqalashtirilgan tarzda ustamalarni mustaqil belgilash hamda mehnat xaqi to‘lash va rag‘batlantirishni tashkil qilishning turli xil shakllarini qo‘llash huquqi berilgan.
Qishloq xo‘jalik mutaxassislariga belgilangan imtiyozlar qishloq joylarda joylashgan davlat ta’lim muassasalarining pedagog xodimlari uchun ham ta’lluqlidir.
Davlat hokimiyati va boshqaruvi mahalliy organlari, korxonalar, tashkilotlar, fermer va dexqon xo‘jaliklari va boshqa muassasalar davlat ta’lim muassasalarining xodimlariga qo‘shimcha ijtimoiy imtiyozlar berishga haqlidirlar.
Xodimlar mehnatiga haq to‘lash ta’rif sistemasi ta’rif-malaka ma’lumotnomasi, ta’rif jadvali, ta’rif bo‘yicha belgilangan maosh va ta’rif koeffitsientlaridan iborat.
Ta’rif-malaka ma’lumotnomasi ishlab chiqarish va ish turlariga qarab guruhlarga bo‘lib chiqilgan ishchi kasblarining ta’rif-malaka tavsiflarini, u yoki bu ish muvofiq keladigan malaka darajalarini, ishchiga tegishli malaka darajasi berishda bilimi va malakasiga nisbatan qo‘yiladigan talablarni o‘z ichiga oladi.
Ta’rif jadvali malaka darajasi har xil xodimlarning mehnati o‘rtasidagi nisbatni ularning malakasiga qarab belgilaydi. U murakkab mehnat uchun yanada yuqori haq to‘lanishini ta’minlaydi. Ta’rif jadvali ta’rif-malaka darajalari va ta’rif bo‘yicha belgilangan maoshdan tashkil topadi. Birinchi malaka darajasi eng oddiy ishlar bo‘lsa, oxirgi malaka darajasiga murakkab ishlar kiradi. Birinchi malaka darajasi bilan keyingi malaka darajalari o‘rtasidagi nisbatga ta’rif koeffitsenti deb ataladi. U ana shu malaka darajalari bilan birinchi malaka darajasi o‘rtasidagi ta’rif bo‘yicha belgilangan maosh nechog‘li yuqoriligini ko‘rsatadi.
Ta’rif bo‘yicha belgilangan maosh, vaqt birligi soat, kun, oy uchun to‘lanadigan haq miqdorini belgilaydigan normadir. Ta’rif bo‘yicha belgilangan maosh yordamida bir xil murakkablikdagi ishlarni bajarayotgan bir xil kasbdagi xodimlar mehnatiga bir xilda haq to‘lash ta’minlanadi.
Agar xodimlarga ish haqi to‘lashda ta’rif bo‘yicha belgilangan maosh asos qilib olinsa, rahbar, muxandis-texnik xodimlar mehnatiga haq to‘lashda lavozim maoshi asos qilib olinadi. U ham ma’muriyat tomonidan mustaqil ravishda belgilanadi. Biroq xodimlarning bu toifasi mehnatga haq to‘lashning boshqa shakllaridan ham daromaddan foiz, foydadan ulush hisobida va hokazolardan foydalanish mumkin.