Termiz davlat universiteti fuqarolik jamiyati

2-Mavzu:Mehnatga oid munosabatlar
Reja:

1. 
   Mehnatga oid huquqiy munosabatlar tushunchasi
   
2. 
   Mehnat sohasida jamoat munosabatlarining vujudga kelish asoslari.
   
3. 
   Mehnatga oid munosabatlarning turlari
   
4. 
   Mehnatga oid munosabatlar ob’ektlari va sub’ektlari
   

Jamoa shartnomasi.
Ma’lumki, aholini ish bilan ta’minlash sohasidagi davlat siyosati tamoyillari, avvalo, 1948 yil 10 dekabrda qabul qilingan Inson huquqlari umumjahon Deklaratsiyasi (23-moddasi) tamoyillariga, O‘zbekiston Respublikasining Konstitutsiyasi qoidalariga, shuningdek Xalqaro Mehnat Tashkilotining huquqiy normalariga asoslanadi. Bu borada XMT tomonidan 1964 yilda qabul qilingan “Ish bilan ta’minlash sohasidagi siyosat to‘g‘risida”gi 122-Konvensiya muhim ahamiyat kasb etadi. SHu o‘rinda Birlashgan Millatlar Tashkilotning Bosh Assambleyasiyada 1966 yil 16 dekabrda qabul qilingan "Iqtisodiy, ijtimoiy va madaniy huquqlar" to‘g‘risidagi Paktning ayrim qoidalarini ham eslatish joiz. Mazkur Paktda mehnat qilish va mashg‘ulotlarni erkin tanlab olish huquqi, adolatli ish haqi olish, kasaba uyushmalari tuzish va ularga kirish huquqi, ijtimoiy ta’minot, etarli turmush darajasi huquqi, ochlikdan holi bo‘lish, sihat-salomat bo‘lish va bilim olish huquqi tan olingan.
Aholini ish bilan ta’minlash sohasidagi davlat siyosati yuqorida bayon etilgan va xalqaro miqyosda tan olingan qoidalar asosiga qurilgan bo‘lib, 1998 yil 1 mayda qabul qilingan O‘zbekiston Respublikasining “Aholini ish bilan ta’minlash to‘g‘risida”gi qonun, quyidagi tamoyillarga tayanadi:

• 
  mehnat qilish va ishni erkin tanlash huquqini amalga oshirishda barcha fuqarolarga jinsi, yoshi, irqi, millati, tili, ijtimo­iy kelib chiqishi, mulkiy holati va mansab-mavqei, dinga munosabati, e’tiqodi, jamoat birlashmalariga mansubligidan, shuningdek xodimlarning ishchanlik jihatlariga hamda ular mehnatining natijalariga bog‘liq bo‘lmagan boshqa holatlardan qat’i nazar, keng imkoniyatlarni ta’minlash;
  
• 
  kishilarning mehnat va tadbirkorlik tashabbuslarini qo‘llab-quvvatlash va rag‘batlantirish, ularga mehnat qilish va hayot kechirishda munosib sharoitlarni ta’minlaydigan unumli va ijodiy mehnat qobiliyatini rivojlantirishga ko‘maklashish;
  
•