Термиз давлат университети «ахборот технологиялари» кафедраси

Видеоконференциялар ташкил этишда
қўлланиладиган воситалар.
Видеоконференциялар - бу одамларга бири-бири билан мулоқот қилиш имкониятини берувчи компьютер технологиясидир. Оддий компьютер ёрдамида маълумотларни кўриш, алмашиш, биргаликда таҳлил қилиш мумкин. Бунда сиз кўриш ва эшитиш имкониятига эга бўласиз.
Видеоконференция ташкил этишда қуйидаги воситалар зарур:

• 
  Компьютерда махсус видеоконференцияни таъминловчи қурилма ва дастурий таъминот ўрнатилган бўлиши шарт.
  
• 
  Видеокамера
  
• 
  Аудиомикрофон
  
• 
  Интернет
  

Видеоконференциялар нима учун керак? 100 маротаба эшитгандан кўра бир марта кўрган маъқул дейишади. Ҳақиқатан айрим вазиятларда суҳбатдошни эши­тиш етарли бўлмайди. Илмий текширишлар тельефон орқали мулоқот қилинганда маълумотнинг 10 фоизигина қабул қилинишини кўрсатди. Суҳбатдошни кўрганда маълумотнинг 60 фоизи қабул қилинади. Шунинг учун инсоният қимматли вақтининг аксариятини сафарларга сарфлайди. Бунда вақтдан ва пулдан ютқазади. Бу муаммони видеоконференциялар енгилгина ҳал этди. Эндиликда университетлар, йирик-йирик корхоналар музокара ва турли анжуманларни видеоконференци­ялар ёрдамида амалга оширмоқда.
Видеоконференция қуйидаги имкониятларга эга:

• 
  Бир пайтнинг ўзида дунёнинг турли нуқталаридаги мутахассисларни виртуал конференция хонага йиғиш.
  
• 
  Турли матнли, аудио ва видеоли маълумотларни узатиш.
  
• 
  Биргаликда маълумотларни кўриш
  
• 
  Бошқаларни кўриш ҳамда уларнинг фикрини эшитиш ва умуман муҳокамада актив иштирок этиш.
  
• 
  Оператив равишда маслаҳатлар (консультациялар) бериш ёки олишдан иборат.
  

Демак, видеоконференция биргаликда маълумотларни интерактив ҳолда (бир пайтнинг ўзида) кўриш, эшитиш ва таҳлил қилиш имкониятини берувчи Интернет анжуманидир.
Ҳозирги кунда бу анжуман ўқишда (масофадан ўқитиш), медицинада (телемедицина), бошқаришда (электрон офислар), эҳтиётлаш тизимларида ва бошқа турли соҳаларда жуда қўл келмоқда. Фараз қилайлик, сиз бир муаммо билан ишламоқдасиз ва уни бошқа мамлакатдаги ҳамкасблар билан муҳокама қилмоқчисиз. Бир жойга йиғилиш учун маблағ ва вақт зарур. Интернет ёрдамида бу муаммони тезгина муҳокама қилиб ҳал қилиш мумкин.