Термиз давлат университети «ахборот технологиялари» кафедраси

Конференцияда қуйидагилар муҳим аҳамиятга эга:

• 
  Боғланиш тармоғи сифати ва тезлиги юқори бўлиши шарт (64Мб/cек да ишлаш мумкин, лекин 128 Мб/cек тавсия этилади). Одатда видеоконференцияларни ўтказиш учун 64 Кб/с дан 512 Кб/с тезликли ISDN ёки 1-1.5 Мб/с гача бўлган IP тармоқлардан фойдаланилади. қониқарли сифатли тасвирлар 200 Кб/с тезликда ва юқори сифатли тасвирлар 300 Кб/с тезликда олинади.
  
• 
  Аудио ва видео маълумотларни ишлаш тезлиги муаммоси, яъни узатилаётган маълумотларни кодлаш ва қайта тиклаш тезлиги. Агар компьютер келаётган кадрларни, овозларни қайта ишлашга улгурмаса, видео ва аудио маълумотларда узилиш бўлади. Яъни маълумотлар тўла акс эттирилмайди. Бунда видеоконференция мазмуни йўқолади.
  

Бу муаммони одатда махсус кодек ёрдамида ҳал этиш мум­кин. Кодак махсус қурилма бўлиб у компьютерга ўрнатилади. Кодекнинг вазифаси тармоқ учун сигнални сиқиб ва очиб беришдир. Конференцияларни 2 нуқта (объект) ва кўп нуқталар (объектлар) ўртасида ўтказиш мумкин.
Махсус видеосерверлар ёрдамида кўп нуқтали видеокон­ференцияларни ўтказиш мумкин. Бунинг учун махсус видео-сереверлардан кўп нуқтали видеоконференция қурилмаси MCU (Multi Conference Unit)дан фойдаланилади. Бу қурилмалар видеоконференция имкониятларини оширади.
Видео­сервер 3 ва ундан ортиқ нуқталарни боғлаш имкониятини беради. Масалан, конференцияда 10 нуқта иштирок этиши мум­кин. Компьютер 9 нуқтадан келаётган маълумотларни қабул қилиши ва уларга узатиши зарур бўлади. Бундай конферен­цияларни ўтказиш нархи жуда юқори бўлади.
2 нуқтали боғланиш ҳам 2 шахс ўртасида ва 2 синф ўрта­сида бўлиши мумкин. 2 нуқтали боғланишни амалга ошириш учун қуйидаги дастурлардан фойдаланиш мумкин: NetMeeting, CuSeePro.
Видеоконференция категориялари.
Шахсий тизимлар – фойдаланувчиларни иш жойларини тарк этмасдан туриб, реал вақт режмида индивидуал видеосухбатни таъминлаб беради. Буларга одатда махсус дастурий ва аппарат воситаларни мисол қилиб келтиришимиз мумкин.