Терминология термин ва логия

Иқтисодиёт соҳасида: картел, клиринг, товар обороти, майда мулкчилик, маблағ ажратиш, рента, УзАСПО;
Темир йўл соҳасида: балласт, рессор, пантограф, шпал, букса, ғилдирак жуфти, машинист, рельс, тепловоз, электровоз;
Ҳаво йўлларида: радар, борт кузатувчи, шасси, учиш ва қўниш йўлаги, штурваль, товуш тезлиги, реактив самолет,
Автомобил ва йўл соҳасида: асфальт-бетон йўл, асфальт ётқизгич, бордюр, йўл қопламаси, полимерлар, оҳак кукуни, хлорли калций, анкер, домкрат, компрессор, коуш, кювет, такелаж блоклари, тебратгич бадья, дизель болға, игнали фильтр;
Тиббиёт соҳасида: пульсоксиметр, эндокрин система, антитанача, лимфоцит, биологик ёш, анестезия, аритмия, пальпация, вена, артериал, капилляр, эритроцитлар, қоннинг ивиши, плазма, анемия, анерекция каби тор доирадагина қўлланиладиган терминлар ишлатилиши табиий бир ҳолдир.
Ўз-ўзидан аёнки, бу хилдаги терминлар соҳадан узоқроқ бирор касб эгасининг нутқида ишлатилмайди.
Таъкидлаш лозимки, фан-техника, ишлаб чиқаришнинг хилма-хил соҳа ва терминлар мажмуи, яъни йиғиндиси терминология деб аталади. Масалан, математика терминологияси, тиббиёт терминологияси, иқтисодиёт терминологияси ва бошқалар. Зеро, айрим лексикографик ишларни ҳисобламаганда, ўзбек тилини илмий асосда ўрганиш, ҳозирги ўзбек тилшунослигининг фан сифатида юзага келиши ҳам шу даврдан бошланган.
2.Ўзбек лексикографикаси.
Лексикография (лексика ва графия) 1) луғатлар тузиш, амалий луғатчилик.
Амалий луғатчилик луғатлар тузиш баробарида бир қатор ижтимоий муҳим вазифаларни бажаради: ўз ва ўзга тилларни ўрганиш; она тилини тавсифлаш ва меъёрлаштириш (изоҳли, имло ва б. турдаги луғатлар ёрдамида); тиллараро алоқа-муносабатни таъминлаш (икки ва кўп тилли луғатлар, сўзлашгичлар); муайян тил лексикасини илмий ўрганиш (этимологик, тарихий луғатлар) ва б. Луғат тузиш иши сифатида турли халқларда ёзув тараққиётининг илк босқичларида у ёки бу тушунарсиз (эскирган, диалектал, махсус ёки чет тилга мансуб) сўзнинг қандай маъно англатишини билиш эҳтиёжи натижасида пайдо бўлган. Дастлабки тузилган луғатлар умумлашган, универсал хусусиятга эга бўлган (луғатларнинг турли шакллари, кўринишлари кейинги даврларда юзага келган).