Tema: Viruslardiń tiykarǵı qásiyetleri, virus saqlawshı material menen islew qaǵıydaları hám qawipsizlik texnikası

Laboratoriya haywanların belgilew
Tájiriybede paydalanılǵan haywanlardı belgilew eń zárúrli wazıypalarınan biri bolıp tabıladı. Kesellik juqtırılǵan haywanlar saqlanıp atırǵan kateklerge jazıwlı jarlıq jabıstırıladı, bunda juqtırıwda isletiletuǵın virus (yamasa tekserilip atırǵan patologikalıq materialnin' ekspertiza nomeri) juqtırılǵan Haywanlardin’ sanı, virus juqtırılǵan sánesi eger zárúr bolsa basqa maǵlıwmatlar da jazıladı.
Hár túrlı túrdegi haywanlarǵa belgilewdin' hár túrlı ayriqsha usılı qollanıladı. Iri haywanlarǵa hám tawıqlarǵa basılıp jazılǵan nomerli metall jarlıq isletiledi.
Qoyanlarnin' qulaǵın túbir bólegine kiydiriladi, teńiz shoshqashasinin' qulaǵına sırǵa ornatıladı, tawıqlarnin' ayaǵına sheńber tárizli formada belgi kiydiriladi. Tájiriybede kem topardagi haywanlardan qısqa múddette paydalaniletuǵın bolsa, ol halda jelkasidegi juni, qoyanlarda bolsa san bólegindegi juni qirqilib belgilenedi.
Teńiz shoshqalarin parıqlawda reńine itibar berilip, jumıs jurnalına da jazıp qóyıladı. Aq tıshqanlar, aq kalamushlar bólek aldınǵı hám keyingi barmaq, ayaqların kesip taslaw jolı menen belgileniwi múmkin. Olardın' hár biri ol yamasa bul tártip nomerine tuwrı keledi. Aldınǵı ayaqtaǵı bir sanın, keyingi ayaqtaǵı bolsa - on sanın ańlatadı. Lekin ko'pshilk halda pigmentlenbagan junge reńli daq jaǵıw menen belgilenedi. Barlıq boyawlarǵa (fuksin eritpesi, brilliant jasılı ) salıstırǵanda pikrin kislotasinin' to'yingan eritpesi eń jaqsı belgileytuǵın boyaw esaplanıp, jún hám teride uzaq waqıtqa shekem saqlanıp turadı. Reńli belgiler haywannin' málim bir tártip nomerine qóyıladı. Egerde haywan denesin kóz aldımızǵa keltirip uzınına úsh bólekke bolsaq (shep jambas, jelke, oń jambas ) ol halda reńli belgi qoyıwdı shep táreptiń joqarǵi múyeshinen, sonday eken gúreksheden baslaymız jáne bul 1 boladı, sol halda keyinge háreketlensek, shep jambas 2, shep san 3, keyininen bolsa 4, jelke 5, dumg'aza oblasti 6, oń jelke 7, oń jambas 8, oń san 9 boladı. Eki reńden paydalanıp birinshi reńde birlik, ekinshi reńde onlıq san menen belgilenedi (13-súwret).