Tema: Talim alg’anliqti analizlew. Jobasi: Tálim alg’anliqti analiz qiliwdiń a’himiyeti

Awızsha tekseriw. Bul metod bilimlerdi baqlaw hám bahalawdıń talay keń tarqalǵan dástúriy usıllarınan biri bolıp tabıladı.

Awızsha tekseriwdiń mánisi sonda usıdan ayqın boladı, oqıtıwshı oqıwshılarǵa úyrenilgen temanıń mazmunınan kelip shıǵıp, sorawlar beredi hám olardı juwap beriwge u’ndeydı. Áne sol tárzde olardıń ózlestiriw dárejesin anıqlaydı. Awızsha tekseriw oqıwshılardıń bilimlerin tekseriwdi soraw -juwap usılı tiykarında ámelge asıriladı.

Bul usıl ayırım jaǵdaylarda sáwbet usılı dep da ataladı. Awızsha tekseriwde oqıtıwshı úyrenilip atırǵan temanı bólek bólimlerge ajratadı hám olardı hár birinen oqıwshılarǵa sorawlar beredi. Biraq oqıwshılardıń sóylewin ósiriw hám de olardıń tereń hám bekkem bilimge ıyelewleri ushın olardan sol yamasa aldınǵı temanı pútkilley eske túsiriwdi talap qılıw múmkin.

Jazba tekseriw - oqıwshılardıń bilim, kónlikpe hám ilmiy tájriybelerin baqlaw hám bahalawdıń eń nátiyjeli usıllarınan biri bolip, olardıń dóretiwshilik qábiletlerin bahalaw imkaniyatın beredi. Usı usıldıń mánisi sonda, oqıtıwshı bólek tema yamasa oqıw programmasınıń málim bólimin ótip bolǵanınan keyin az waqtıniń ishinde barlıq oqıwshılardi tekseriwi múmkin. Jazba tekseriw qadaǵalaw jumısı, dóretpe, bayan, diktant hám b.járdeminde alıp barıladı. Biraq oqıtıwshı hám oqıwshı ortasında tikkeley baylanıstıń joq ekenligi sebepli onıń pikirlewin baqlaw múmkinshiligi bolmaydı.