Тема: мухандимтлик графикаси фанини ўҚитишда янги педагогик технологиялардан фойдаланиб ўҚитишнинг аҳамияти

1.3. Mehnat ta`limi darslarida chizmashilik faniga oid tushunchalarni o`rgatishda ko`rgazma darsidan foydalanish


Yangi pedagogik texnologiyalardan dars jarayonida unumli foydalanish o`quvchi va talabalarni mustaqil ishlashga o`rgatish bilan birgalikda ularning taffakuri, qobiliyati, izlanuvchanligi va o`z navbatida bilimlarini oshirishning eng muhim omilidir. Chizmachilik va injenerlik grafikasi faniga oid tushunchalar ko`pchilik o`quvchilar va talabalar tomonidan qiyin o`zlashtirilishi hech kimga sir emas. Talabalar bu fanga tushunchalarni chuqur o`zlashtirishlari uchun ko`proq mustaqil ishlashlariga to`g`ri keladi. Biz tavsiya etmoqchi bo`lgan dars usuli yuqoridagi muammoni ijobiy hal etish im-konini beradi. Bu usulni ko`rgazma darsi deb nomlash mumkin. Bu darsni olib borish jarayonini umumiy o`rta ta`lim maktablarining 8-sinfidagi Chizmachilik fani misolida yoki mehnat ta`limi ixtisosligi 1-kursida yuqoridagi fan bo`yicha o`tiladigan “Egri chiziqlar” mavzusi misolida ko`rib o`taylik. O`qituvchi oldindan 5-6 ta o`quvchi (talaba)ga ellips, evol`venta, sinusoida, Arximed spirali kabi topshiriqlarni beradi. Ular o`zlariga berilgan topshiriqlarni bajarish tartibini o`rganadilar va chizmalarni A1, A2 qog`ozlarga chizadilar.
Darsni quyidagi tartibda tashkil etish mumkin.
Hurmatli o`quvchilar (talabalar)! Yosh ijodkorlarning “Egri chiziqlar” mavzusida yaratgan asarlari namoyishiga hush kelibsizlar! Bugungi ko`rgazmamizga bir necha asarlar taqdim etilgan. Hozir sizlarni asarlar va ularning mualliflari bilan tanishtiramiz. Birinchi asarimiz “Arximed spirali” deb nomlanadi. So`z - asar muallifi (o`quvchi yoki talaba) - A. Vohidovga. Marhamat!
O`quvchi (talaba) chiqadi va A2 qog`ozga tasvirlangan chizma hamda boshqa ko`rgazmali qurollardan foydalanib bajargan ishini tushuntirib beradi. U o`z bayonini tugatgach, shu mavzu bo`yicha bahs-munozara o`tkaziladi. Shu tariqa boshqa o`quvchi (talaba)lar ham chiqib, o`z mavzulari bo`yicha tayyorlab kelgan ko`rgazmalarining mazmunini bayon etishadi. Bunda ham mavzular bo`yicha bahs-
munozaralar olib boriladi. Bu darslarni O`TV yordamida olib borish maqsadga muvofiqdir.
Bu dars usulini qo`llash orqali quyidagi natijalarga erishish mumkin:

1. 
   O`quvchi-talabalarni mustaqil ishlashga o`rgatish.
   
2. 
   O`quvchi-talabalarning og`zaki nutqini o`stirish.
   
3. 
   O`quvchi-talabalarda pedagogik qobiliyatlarni shakllantirish.
   
4. 
   O`quvchi-talabalarning darsdagi faoliyatini oshirish.
   
5. 
   Darsda fanlararo bog`lanishni ta`minlash.
   
6. 
   O`quvchi-talabalarga nazariy bilimlarni amalda qo`llashni o`rgatish.