Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

III. Bayan jazıwǵa tayarlıq.

1. Oqıtıwshı jazıw taxtasınan súwretlerdi aladı. Gúrrińdi túsinikli oqıydı. Soń eki-úsh oqıwshı onı qayta aytıp beredi (Jazıw taxtasındaǵı jazıwlar turadı).

2. Oqıwshılar tekstti jáne oqıydı, imlası qıyın sózler túsindiriledi hám olardı buwınlarǵa bóliw talap etiledi. Aldınnan aq qaǵazǵa jazılǵan: jasırdı, júrgen, terekke, qayttı sózleri jazıw taxtasına ildirilip qoyıladı.

IV. Bayan jazıw.

Tekst jabıladı. Balalar óz betinshe jazadı. Oqıwshılar qıynalǵan jerlerinde oqıtıwshıǵa múrájáát etiwi múmkin. Súwretli rejeden paydalanıp bayan jazıwdı basqa túrdegi jumıs penen almastırıw múmkin. Bunda oqıtıwshı oqıwshılardıń sóylewin ósiriwdegi jumıs tártibine tayanadı.

Ekinshi klass baǵdarlamasında oqılǵan kishi kólemdegi tekst bólimlerine oqıtıwshı basshılıǵında soraw gáp tártibinde tema qoyıw názerde tutıladı. Usı toplamda joqarıdaǵı jumıs túri ushın tekst berilgen. Tekstlerdiń quramalılıǵın esapqa alıp, shama menen ayda bir márte usınday jumıs túrlerin ótkeriw usınıs etiledi. «Jaqsılıq» tekstin tómendegishe úyreniw múmkin.