Tema: Intellektual sistemasinin' tiykarg'i tu'snikleri

U’skenelik bag’darlama qurallari paydalaniwshinin' qaysi bir bag'-dardag'i ma'selelerdin' sheshimin tabiwg'a mo'lsherlengen bag'-darlama qabiqlari esaplanadi (misali, POWER POINT bag'darlamasi). Bunday bag'darlamalar oqitiwshi ta'repinen mag'liwmatlar bazasindag'i mag'liwmatlardi qayta islegen halda belgili bir sabaqlardi jaratiw (soraw ha'm juwaplar toplamin an'latiw, sizilma ha'm su'wretlerdi payda etiw ha'm de ha'reketlendiriw, hawazli ha'm ren'li effektlerdi ko'rsetiw) imkanin beredi.
Qadag’law bag’darlama qurallari, tiykarinan, test bag'darlama-larinan ibarat ha'm mag'liwmatlar bazasindag'i sorawlardan paydalang'an halda yaki oqitiwshi ta'repinen du'zilgen testler tiykarinda oqiwshilar bilimin qadag'alaw imkanin beredi.
Oqitiwdi jetilistiriwshi bag’darlama qurallari predmet oqitiwshisi, psixolog, bag'darlamashi, dizayner siyaqli bir qansha qa'nigeler topari ta'repinen islep shig'ilg'an bag'darlamalar kiredi.
Oqitiwshi olar tiykarinda predmetlerge tiyisli temalar boyinsha sabaq protsesin alip bariwi mu'mkin. Bunday sabaqlardi sho'lkemlestiriw oqiwshilarda jeke qa'biletlerdi, yag'niy diqqat, baqlawshiliq, logika, pikirlew tezligi, juwmaq shig'ariw qa'bileti siyaqli bir qansha unamli qa'siyetilerdin' rawajlaniwina ha'm sabaq na'tiyjeliliginin' artiwina alip keledi.
Bilimler bazasi yaki pedagogikaliq bag'darlama qurallarinan sabaq yaki sabaqtan tis protseslerde paydalaniw u'lken didaktikaliq a'hmiyetke iye. Bunday bag'darlamalardan paydalaniwdin' artiqmashiliq ta'repleri sipatinda to'mendegilerdi ko'rsetiw mu'mkin:

• 
  oqiwshilarda kerekli texnikaliq ko'nlikpelerdi payda etiw waqti qisqaradi;
  
• 
  orinlawg'a mo'lsherlengen tapsirmalar sani ha'm tapsirmani o'z betinshe orinlaw ko'lemi artadi;
  
• 
  oqiwshinin' jumisinda optimallastiriw ta'biyiy ra'wishte payda etiledi;
  
• 
  oqitiwda toparlarg' a ajiratiw jedellesedi;
  

-oqiwshi ta'limnin' subektine aylanadi, sebebi bag'darlama onnan jedel basqariwdi talap etedi;

• 
  kompyuter annimatsiyasi sabaqlardi janli ra'wishte alip bariw imkanin beredi;
  
• 
  oqiwg'a salistirg'anda motivler artadi — bag'darlama menen islesiw oqiwshilarda sabaqqa qizig'iwin arttiradi;
  
• 
  sabaqta mag'liwmatlar bazasinin' uzaqtag'i dereklerinen (E-mail, internet h.t.b.) mag'liwmat aliw ha'm usi tiykarda sabaq mazmunin bayitiw ta'miyinlenedi.
  

Pedagogikaliq bag'darlama qurallarinin' kemshiliklerine oqiwshi-lardin' so'ylew ma'deniyati, grafikaliq ha'm jaziw ma'deniyatin rawajlandiriwg'a jetkilikli itibar berilmewi misal boladi.
Sonday bolsa da, zamanago'y oqitiw texnologiyalarisiz jumista joqari na'tiyjege erisip bolmaydi.
Soraw ha’m tapsirmalar

1. 
   Jasalma intellekt degen ne?
   
2. 
   Jasalma intellekt tu'sinigi qashan ha'm qay jerde payda bolg'an?
   
3. 
   Tosinnan izlestiriw usili qanday usil?
   
4. 
   Intellektual sistema degen ne? Onin' waziypasin tu'sindirin'.
   

Tema: Informatsiyalastirilg'an ja'miyet. Ja'miyetti informatsiyalas-tiriwdin' a'hmiyetli
qa’siyetleri ha'm imkaniyatlari.
Joba:

4. 
   Ja'miyetti informatsiyalastiriwdin' a'hmiyetli qa’siyetleri ha'm imkaniyatlari.
   
5. 
   Informatsiyalastiriwdin' konseptual tiykarlari
   
6. 
   Ma'mleket ekonomikasi rawajlaniwindag'i jan'a informatsiyaliq texnologiyalar ha'm olardin' a'hmiyeti.