1-óz betinshe jumısı Tema

1-óz betinshe jumısı

Tema: Pedagogikalıq kompetentlikti qáliplestiriwde zamanagóy tálim texnologiyasınıń konseptual tiykarları

Zamanagóy qánigelerge qoyılatuǵın talaplardıń biri – kásiplik kompetentlik esaplanadı. Pedagogikalıq atamalar sózliginde “kompetenciya-ol yamasa bul taraw boyınsha bilimdanlıq” ekenligi kórsetilip ótilgen.

Kásiplik rawajlanıw bul uzaq dawam etiwshi process bolıp, bir neshe basqıshlarǵa ajıratıladı. Hár bir talaba ushın basqıshlardıń dawamıylıǵı hám de muǵdarı bólek-bólek belgilenedi. Bolajaq tárbiyashınıń individuallıǵı óz kórinisin pedagogik ámeliyat usıllarında, óz jumısın rásmiylestiriwdegi ózine maslıqlarda, pedagogik jaǵdaylardı sheshiwde, óz betinshe sheshimlerdi taba alıwda, izleniwsheń bolıwında, tapsırmalardı hámde usıllardı tańlawda erkin jandasıwinda, óz ideya hám pikirlerin erkin ayta alıwında kórinedi.

Bolajaq tárbiyashınıń kásiplik rawajlanıwı onıń jámiyetdegi ornı, talabalardıń pedagogika joqarı oqıw ornındaǵı májibúryatı hám wazıypalarına hám de ózine mas individual qábiletlerine baylanıslı boladı. Talabanıń individuallıǵı aqılıy, predmetli ámeliy hám motivacion faktorlar menen baylanıslı bolıp, ámeliy iskerlik processinde kórinedi.

Tálimniń barlıq basqıshlarında jańa pedagogik texnologiyalardan paydalanıw, ásirese, axborat kommunikaciya texnologiyalarınan ónimli paydalanıw hám joqarı nátiyjelerge erisiw ayrıqsha áhimiyetke iye.

Kásiplik- pedagogik kompetentliktiń baslı kórsetkishi bul insanǵa, shaxsqa qaratılǵan. Kásiplik-pedagogik kompetentlik pedagogik waqıyalıqtı ańlawǵa hám onda háreket ete alıw uqıplılıǵın eredi.

Kompetentlik oqıtıwshı ushın kerekli bolǵan 3 jaǵday menen baylanıslı bolǵan zamanagóy pedagogik texnologiyalardı iyelewi shárt esaplanadı:

• 
  Adamlar menen óz-ara baylanısta bolıw, mádeniy baylanısta bolıw;
  
• 
  Pán boyınsha axbaratlardı qabıl ete alıw hám onı oqıtıw mazmunına maslap qayta islew hám onnan óz betinshe bilim alıwda paydalana alıw;
  
• 
  Oqıw axboratların basqalarǵa bere alıw.
  

Zamanagóy pedagogika kásiplik kompetentlikti qáliplestiriw, pedagogik sheberlikti rawajlandırıw máselesi pedagogika, psixologiya, metodika pánleri mazmunında óz sheshimin tapqan, atap aytqanda, Abu Nasr Farobiy, Ibn Sino, Yu.P.Azarov, T.I.Gonobolin, N.V.Kuzmina, A.N.Sherbakov, M.G.Davletshin, M.Ochilov, V..A.Rozov, E.Qoziev hám basqa alımlarımız oqıtıwshı pedagogik sheberligin qáliplestiriw hám rawajlandırıwdıń málim qırların ilimiy jaqtan ashıp bergen.
Paydalanılǵan ádebiyatlar dizimi:

1. Kamoldinov M, Vaxobjonov B.

“Innovatsion pedagogik texnologiya asoslari” T.Talqin-2010

2. Muslimov N.

“Óqituvchi shaxsini shakllantirishning nazariy-metodologik omillari” Xalq talimi-2004

3. Internet materialları