Tema: Intellektual sistemasinin' tiykarg'i tu'snikleri

Tema: Intellektual sistemasinin' tiykarg'i tu'snikleri.
Joba:

1. 
   Jasalma intellekt tu’sinigi
   
2. 
   Intellektualar programalar ha’m sistemalar haqqinda tu’snik
   
3. 
   Intellektual interfeys
   

Tayanish tu'snikleri: intellect, jasalma intellekt, intellektual sistema, aqiliy qa'bilet, logika nizamlari, intellektualar programalar.

1. 
   Jasalma intellekt tu’sinigi
   

Jasalma intellekt ja’rdeminde ma’selelerdin’ sheshimin tabiwdin’ gilti sheshimdi izlewde tan’lanatugin variantlar sanin kemeytiwden ibarat. Bunin’ ushin bag’darlama insan pikirlew barisinda qollanatugin printsiplerden paydalaniwi tiyis. Duglas B. Lenat
«Jasalma intellekt» tu'sinigi da'slep AQSH ta payda boldi ha'm a'ste-aqirin basqa ma'mleketlerde de qollanila basladi.
1956-jili AQSHta kompyuter ha'm bag'darlamalastiriw tarawindag'i 10 amerikali jetekshi qa'nigelerinin' birinshi ushirasiwi bolip o'tti. Sol gezde qa'nigelerden ko'pshiligi jaqin on jillar ishinde jasalma aqil jaratiw mu'mkin ekenligin boljag'an edi. Sherek a'sirden keyin, yag'niy 1981-jili jasalma intellekt boyinsha Kanadada bolip o'tken Xaliqaraliq konferentsiyada birinshi ushirasiwdin' on qatnasiwshisinan besewi aytqan boljawlar asa optimistlik bolg'anlig'i, al mashqalalar aytarliqtay quramali ekenligi ta'n alindi. Sonday bolsa da, bul bag'darda ko'plegen ilimiy ha'm a'meliy na'tiyjelerge erisilgenligi aytip o'tildi. Ha'zirgi ku'nde jasalma intellekt jaratiw boyinsha ilimiy jumislar ko'plegen ma'mleketlerde alip barilmaqta.
Intellekt- insannin' oy-pikir ju'ritiw qa'bileti.
Jasalma intellekt — insan intellektinin' geypara waziypalarin o'zinde ja'mlestirgen avtomatikaliq ha'm avtomatlastirilg'an sistemalar belgileri.
Jasalma intellekt jeke adamg'a qarata turaqli bolg'an, misali, xabardi qabillap aliw ha'm onnan belgili bir ma'selelerdin' sheshimin tabiwda paydalana aliw siyaqli aqiliy qa'biletlerdi an'latadi.