Tema: "Genetikalıq ortalıq hàm bala rawajlanıwı "

1.2. Genetika páni hám onıń basqa pánler menen óz-ara baylanısı.
Na`sil quwıwshılıq ha`m o`zgeriwshen`likti u`yreniwde genetika pa`ni ko`plegen basqa pa`nler menen baylanıslı bolıp esaplanadı. Mısalı: tsitologiya, bioximiya, biofizika, mikrobiologiya, embriologiya, fiziologiya, meditsina, matematika, kibernetika, zoologiya, paleontologiya h.t.b. Tsitologiya pa`ni jetiskenliklerinen paydalanıp kletka ha`m komponentlerdin` na`sil quwıwshılıqtı o`tkeriwdegi roli anıqlandı. Ko`plegen bioximiyalıq tekseriwler na`tiyjesinde genlerdin` ximiyalıq du`zilisi ha`m funktsiyası u`yrenilmekte.Keyingi waqıtlarda ha`r qıylı gs genetikalq tekseriwler ushın ilimiy obekt bolıp xizmet etpekte. Mikroblardan paydalanıw genetikalıq tekseriwlerdi arzanlastırıw, a`piwayilastırıw ha`m millionlap organizmlerdi qısqa mu`ddet ishinde baqlaw mu`mkinshiligin jarattı. Embriologiya pa`ni ja`rdeminde organizmnin` embrional rawajlanıwında ayırım organlardıń qa`liplesiwi, yag`nıy rawajlanıwdın` genetikalıq tiykarı u`yrenilmekte. Genetika pa`ni na`sil quwıwshılıq ha`m o`zgeriwshen`likti u`yreniwge to`mendegi usıllardan paydalanıladı. Gibridologiyalıq yamasa gibridlew usılı ja`rdeminde genetikalıq nızamlıqlardı u`yreniw ushın bir-birinen ha`r qıylı belgiler menen parq qılatug`ın haywanlar yamasa o`simlikler shag`ılıstırılıp, olardan alıng`an gibridlerdegi belgilerdin` o`zgeriw xarakterine qaray na`sil quwıwshılıq nızamları anıqlandı. Bul en` tiykarg`ı usıl esaplanadı.
Matematikalıq usıl-itimallıq teoriyasına tiykarlang`an bolıp, ta`jiriybede alıng`an mag`lıwmatlardı islew ja`rdeminde belgilerdin` o`zgeriwshen`ligi ha`m juwmaqlardın` anıqlıg`ın u`yreniwge ja`rdem beredi.
Genealogiyalıq usıl- ayrım semya ha`m tuwısqan organizmlerdin` ata-babaları kestesinin` na`sillin u`yreniw na`tiyjesinde ata-analardın` ayrım belgileri balalarında qanday o`zgeriwin anıqlaydı. Bul usıl haywanlar ha`m adamlardın` na`sil quwıwshılıg`ın u`yreniwde ko`p qollanıladı.
Tsitologiyalıq usıl- ja`rdeminde xromosomalardın` du`zilisi ha`m qa`siyetleri, bioximiyalıq usılda kletka o`tip atırg`an bioximiyalıq protsessler ha`m genetikalıq material,yag`nıy gen du`zilisi ha`m ondag`ıo`zgerisler u`yreniledi.