Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Jer salıg’ın esaplap shıg’arıw jer uchastkası h’aqıyqatta iyelegen maydannan kelip shıg’ıp a’melge asırıladı.
Jer uchastkalarının’ ulıwma maydanları h’aqqındag’ı mag’lıwmatlar jer uchastkasına iye bolg’an h’uqıqtı tastıyıqlaytug’ın h’u’jjetler yamasa jerlerdi inventarizatsiyalaw tastıyıqlawları boyınsha qabıl etiledi.
Esap-sanaq jılı dawamında jer menshigi quramında o’zgerisler ju’z bergen yuridikalıq ta’repler ma’mleketlik salıq organlarına jer salıg’ı to’lenetug’ın esap-sanaq jılının’ 1-noyabrine shekem jer salıg’ının’ anıqlastırılg’an esap- sanag’ın tapsıradı.
Yuridikalıq ta’repler (awıl xojalıq ka’rxanalarınan tısqarı ) salıqtı h’a’r sherekte, sherektin’ ekinshi ayının’ 15-ku’nine shekem ten’ u’lesler menen to’leydi (15-fevral, 15-may, 15-avgust,15-noyabr).
Birden-bir jer salıg’ın to’lewge o’tpegen awıl xojalıg’ı ka’rxanaları jer salıg’ın esap-sanaq jılının’ 1 iyulına shekem –jıllıq salıq summasının’ (20%) esap-sanaq jılının’ 1-sentyabirine shekem –jıllıq salıq summasının’ (30 %) h’am esabat jılının’ 1-dekabrine shekem –esaplang’an salıqtın’ qalg’an (50%) summasın to’lewdi a’melge asıradı.
Jıl dawamında ajratılg’an jer uchastkası ajralg’an aydan keyingi aydan baslap to’lenedi (ma’selen, juwapkerli h’a’kimiyat organının’ 15-avgustag’ı qararı menen ka’rxanag’a jer ajratılsa ol jer salıg’ın’ 1- sentyabrden baslap to’leydi).
Salıq to’lewshi ta’repinen artıqsha salıq summaları to’lengen ta’g’dirde, eger basqa salıqlar h’a’m jıyımlar boyınsha karız bolmasa bul summalar salıq to’lewshige 30 ku’n ishinde onın’ jazba arzası boyınsha kaytarıladı yamasa endigi to’lewler esabına jazıladı.
Jer salıg’ı, salıq to’lewshinin’ jaylasqan jerine qaramastan, aymag’ında jer uchastkası jaylasqan rayon yamasa qalanın’ jergilikli byudjetine to’lenedi. Eger jer uchastkası rayon h’a’m qala aymag’ında jaylasqan bolsa, salıq tap sol ta’rtipte to’lenedi.

5. Fizikalıq ta’replerden o’ndiriletug’ın jer salıg’ın to’lewshiler salıq obekti h’a’m bazası.

Salıq Kodeksine muwapıq o’z menshiginde , iyeliginde, paydalanıwında yamasa ijara xuquqı tiykarında jer uchastkalarına iye bolg’an fizikalıq ta’repler, sonday -aq yuridikalıq ta’rep bolg’an h’a’m bolmag’an h’alda du’zilgen diyxan xojalıqları jer salıg’ının’ to’lewshileri bolıp esaplanadı.
O’zbekstan Respublikası Ministirler Kabineti, Qaraqalpaqstan Respublikası Joqarg’ı Ken’esi jergilikli ma’mleketlik h’a’kimiyat organları ta’repine ijarag’a berilgen jer uchastkaları ushın to’lenetug’ın ijara h’aqı jer salıg’ına ten’lestiriledi. Jer uchastkaların ijarag’a alg’an jen’illikler, salıqtı esaplap shıg’arıw, salıq esap-sanaqların tapsırıw h’a’m salıqtı to’lew ta’rtibi belgilenedi.