Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

8.Salıqtı esaplap shıg’arıw ta’rtibi h’a’m to’lew mu’ddetleri.
Suw resurslarınan paydalang’anı ushın salıq to’lewshiler ta’repinen, diyxan xojalıqları (yuridikalıq ta’rep bolg’an h’a’m bolmag’an) nan tısqarı, tastıyıqlangan stavkalar boyınsha a’melde alıng’an, salıqqa tartılatug’ın suw ko’leminen kelip shıg’ıp esaplanadı.
Diyxan xojalıqları (yuridikalıq ta’rep bolg’an h’a’m bolmag’an) ushın suw resurslarınan paydalang’anı ushın salıq ma’mleketlik salıq xızmeti organları ta’repinen ulıwma xojalıq boyınsha o’tken jılda 1 ga suwg’arılatug’ın jerge sarplang’an suw ko’lemine qarap esaplanadı.
Suw resurslarınan paydalang’anı ushın salıqtın’ esap-sanag’ı (10-qosımsha) suwdan paydalanıw ornındag’ı ma’mleketlik salıq xızmeti organlarına o’sip barıwshı juwmaq penen to’mendegi mu’ddetlerde tapsırıladı:
1.Suw resurslarınan paydalang’anı ushın to’lenetug’ın salıqtın’ ulıwma summası jıldın’ bir shereginde en’ kem is h’aqının’ eliw esesinen ko’bin quraytug’ın yuridikalıq ta’replerden (awıl-xojalıg’ı ka’rxanaları, mikrofirmalar h’a’m kishi ka’rxanalar bug’an kirmeydi)-h’a’r ayda, esap beriw ayınan keyingi aydın’ 25-ku’nine shekem;
2.Suw resurslarınan paydalang’anı ushın to’lenetug’ın salıqtın’ ulıwma summası jıldın’ bir shereginde en’ kem is h’aqının’ eliw esesinen kemin quraytug’ın yuridikalıq ta’repler, sonday-aq mikrofirmalar h’a’m kishi ka’rxanalar ta’repinen-jıldın’ h’a’r shereginde, jıldın’ esap beriw shereginen keyingi aydın’ 25-ku’nine shekem, jıl juwmaqları boyınsha jıllıq finans esabı tapsırılatug’ın mu’ddetde;
3.Birden-bir jer salıg’ın to’lewge o’tpegen awıl-xojalıg’ı ka’rxanaları ta’repinen-jılda bir ma’rte esap beriw da’wirinin’ 15-dekabrine shekem;
4.Jeke ta’rtiptegi isbilermen ta’repinen-jıldın’ h’a’r shereginde esap beriw shereginen keyingi aydın’ 25-ku’nine shekem.
Suw resurslarınan paydalang’anı ushın salıq to’lew tuwrısındag’ı to’lem xabarnaması yuridikalıq ta’rep bolıp h’a’m yuridikalıq ta’rep bolmay du’zilgen diyxan xojalıqlarına ma’mleketlik salıq xızmeti organları ta’repinen esap beriw da’wirinen keyingi jıldın’ 1-fevralınan keshiktirmey tapsırıladı.
Suw resurslarınan paydalang’anı ushın salıq byudjetke to’mendegi mu’ddetlerde to’lenedi:
-suw resurslarınan paydalang’anı ushın salıqtı to’lewshiler ta’repinen esap-sanaq tapsırılatug’ın mu’ddetden keshiktirmey a’melge asırıladı;
-yuridikalıq ta’rep bolıp h’a’m bolmay duzilgen diyxan xojalıqları ta’repinen suw resurslarınan paydalang’anı ushın salıqtı to’lew jılına bir ma’rte, salıq da’wirinen keyingi jıldın’ 1 mayına shekem a’melge asırıladı.
Salıq to’lewshiler ag’ımdag’ı jıldın’ 15-yanvarına shekem suwdan paydalanatug’ın jerdegi ma’mleketlik salıq xızmeti organlarına salıqtı belgilengen limitke qarap yaki suw jetkizip beriw sha’rtnamasına muwapıq h’a’r ayda yaki h’a’r sherekte to’leytug’ını h’aqqında bildiredi.