Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Fizikalıq ta’replerden alınatug’ın da’ramat salıg’ının’ stavkaları h’a’m jen’illikler.


Fizikalıq ta’replerden alınatug’ın da’ramat salıg’ı ko’p g’ana ellerdegi sıyaqlı O’zbekstanda da progressiv salıq esaplanadı. Usı salıq stavkaları O’zbekstan Respublikası Prezidenti qararı menen belgilenedi h’a’m ornatılg’an ta’rtipte ma’mleketlik salıq mekemeleri xızmetkerleri ta’repinen fizikalıq ta’replerge bildiriledi. Ha’r jılg’a belgilengen stavkalar Ministrler Kabineti ta’repinen yamasa O’zbekstan Respublikası Prezidenti qararı menen qaytadan ko’rip shıg’ılıwı mu’mkin.
O’zbekstan Respublikasının’ salıq nızamshılıg’ına muwapıq fizikalıq ta’replerden alınatug’ın da’ramat salıg’ı stavkaları to’mendegi toparlarg’a bo’linedi:
Fizikalıq ta’replerdin’ is h’aqı, sıylıqlar h’a’m basqa da da’ramatlarına salınatug’ın differentsiallang’an progressiv salıq stavkaları;
Fizikalıq ta’replerdin’ divident h’a’m payız tu’rinde alatug’ın da’ramatlarının’ salıq stavkası;
Rezident emes fizikalıq ta’replerdin’ da’ramatlarına to’lew dereginde salınatug’ın salıq stavkaları;
Jen’illetilgen salıq stavkaları.
Salıq nızamshılıg’ına sa’ykes 1998-jıldan Respublikamızda fizikalıq ta’replerdin’ is h’aqıları, sıylıq pulları h’a’m basqa da’ramatlarının’ salıq stavkası 15,25,35,40,45 payız, yag’nıy 5 shkala etip belgilengen edi. 2000-jıldan baslap 3 shkalada 12,25,30 payızdı, 2012-jılda 9,16,22 payızdı bolsa 2013 jılı 1 yanvardan baslap to’mengi shkalası 9 payızdan 8 payızg’a kemeytirildi, bul bolsa fizikalıq ta’replerdin’ ıqtiyarında is h’aqılarının’ ko’birek mug’darı qalıw imkanın berdi.
(en’ kem is h’aqı 79590 sum 1-dekabr 2012j)
O’zbekstan Respublikası Prezidentinin’ 25 dekabrdegi 2012 goda № PP-1887 -sanlı qararına muwapıq to’mendegishe belgilengen ( 8- qosımsha)
Fizikalıq ta’replerden alınatug’ın da’ramat salıg’ı stavkaları