Telekommunikasiya tarmoqlari

Trenajyorlar. Trenajyorlar ya’ni mashg‘lotlar ta’lim olish jarayonida ta’lim komponenti sifatida ishlatiladi. Ta’lim jarayonida mashg‘ulotlar asosan ta’lim oluvchining u yoki bu ko‘nikmalarini shakllantirish maqsadida foydalaniladi. Mashg‘ulotlarni nafaqat real holatda, balki virtual holatda ham o‘tkazish mumkin. Foydalanuvchi maxsus ko‘nikmalarni shakllantirish maqsadida trenajyorlardan foydalanishi mumkin.Bundan tashqari hozirgi zamonda yoqori texnologiyalarning jamiyatimizga kirib kelishi insonlar oldiga o‘ziga xos turdagi yangi ko‘nikmalarning shakllantirish talabini ham keltirib chiqarmoqda. Masalan, klaviaturada ishlash ko‘nikmalarini shakllantirish shular jumlasidandir. Bunday turdagi trenajyorlarni tayyorlash maqsadida maxsus dasturlar ishlab chiqilgan.
O‘yinlar. Ta’lim jarayonida o‘yinlarni qo‘llash ta’lim jarayonini qiziqarli, jonli, tushunarli qilib tashkil etish imkonini beradi. Ta’lim jarayonida o‘yinlardan foydalanish ta’lim jarayonida qatnashuvchilarning faolligini oshirish imkonini beradi.Ko‘pgina kompyuter o‘yinlari hozirgi kunda yuqori texnologiyalarning qo‘llanilishi natijasida toboro reallikka yaqinlashib bormoqda. Demak-ki, O‘yinlar foydalanuvchiga kuchliroq ta'sir qiladi. Ta’lim beruvchi esa, bu vaziyatdan ta’lim jarayonida foydalanishi mumkin. Darslik sifatida o‘yinlardan keng foydalanish mumkin. Masalan, ba'zi mantiqiy o‘yinlar o‘quvchining fikrlash doirasini kengaytiradi, tasavvurini shakllantiradi.
Maxsus modellar. Ko‘pgina tabiiy fanlarni o‘rganishda laboratoriya mashg‘lotlarini o‘tkazish talab qilinadi. Hozirgi kompyuter texnologiyalari laboratoriya mashg‘ulatlarini bemalol kompyuterda o‘tkazish imkoniyatini beradi. Bunday turdagi mashg‘ulotlar ham reallikka yaqin bo‘libgina qolmay, u xavfsiz va nisbatan arzon, hamda ba'zi hollarda esa yuqori effektli hisoblanadi.Ba'zi modellar kompyuterning o‘zida laboratoriya mashgu‘lotini o‘tkazish imkonini beradi va u yoki bu jarayon haqida, biror ob'yekt haqida aniq xulosalarni shakllantirishga yordam beradi. Masalan, transformatorning modeli transformatorda bo‘ladigan jarayonlarni har tomonlama kuzatish imkonini beradi, o‘simlikning o‘sib rivojlanishi, har xil taasurotlardagi holatini, evolyutsiya jarayonini, kvant fizikasidagi murakkab jarayonlarni real holatga yaqin tarzda kuzatish mumkin. Maxsus modellar ishlab chiqishda hozirda eng ko‘p qo‘llniladigan dasturlardan biri Macromediya Flash dasturi hisoblanadi.