Telekommunikasiya tarmoqlari

Tovushlar. Power Point dasturida tovushlar animatsiya jarayonida qo‘llanilishi mumkin.Shuningdek namoyishni nazorat qilib boruvchi vosita sifatida ham qo‘llanilishi mumkin. Darsliklar tayyorlashda tovushlardan, fokus amalini boyitishda, ogohlantiruvchi signallar sifatida izohlab borish yoki sharhlab boruvchi vosita sifatida, fon sifatida qo‘llanilishi mumkin.Demak tovush va kuylarning qanday maqsadlarda qo‘llanilishiga qarab, ularga qo‘yiladigan talablar ham turlicha bo‘ladi hamda ularni tayyrlash texnologiyalari ham o‘ziga xos tarzda bo‘ladi. Foydalanuvchi tovush va kuylarni tayyor holda ishlatishi mumkin yoki o ‘zi tayyorlashi ham mumkin.
Elektron darslik tayyorlashda WAV tipidagi standart tovush va kuylardan foydalangan ma'qul, lekin bunday tipdagi tovush va kuylar hajm jihatdan juda katta bo‘lishi mumkin.Tovush va kuylarni tayyorlash uchun, ularni mos ravishda o‘zgartirish uchun maxsus audio muharrirlardan foydalaniladi.
Filmlar
Elektron darsliklar qiziqarli, jonli chiqishi uchun filmlar qo‘llash mumkin. Filmlarning darslikdagi asosiy vazifasi o ‘quvchida to ‘laqonli tasavvurni shakllantirish hisoblanadi. Filmlar ham turlicha bo‘ladi. Masalan, kino tarzdagi filmlar, multfilmlar kabilardir.Ushbu turdagi filmlar ishlatilishi bilan bir qatorda turli xil yondoshuvlarni qo‘llash orqali tayyorlanishi mumkin.Masalan oddiy videokamera bilan kino tarzidagi filmlar tayyorlanadi.Multfilm tarzdagi filmlar esa, turli kompyuter dasturlarida tayyorlanadi.Filmlar odatda standart AVI tipida tayyorlanadi. Hozirgi texnologiyalar kompyuterning o‘zida bemalol o‘quv jarayonlarida qo‘llash mumkin bo‘lgan filmlarni yaratish imkonini bermoqda.Masalan biz kompyuterda ishlashni o‘rgatadigan filmni shu kompyuterning o‘zida bemalol eng oson yondoshuvlarni qo‘llagan holda tayyorlashimiz mumkin.
Tugmalar. Elektron kitoblar hamda interfaol modellar yaratishda maxsus tugmalardan keng foydalaniladi. Odatda tugmalar darsliklarda muloqot o‘rnatish uchun vosita bo‘lib xizmat qiladi. Har bir tugma ma'lum bir ko‘rinishga, xususiyatga ega bo‘ladi. Bundan esa ularning vazifalari kelib chiqadi.Tugmalar ba'zida uzun matnlar bilan beriladigan izohlarni sodda grafik ko'rinishda tasvirlash imkonuini beradi.Masalan, video-audio materiallarni o‘qitish, to‘xtatish, orqaga va oldinga o‘tkazish kabi vazifalarni soda grafik tasvirlar orqali ifodalash mumkin. Power Point dasturida foydalanuvchi uchun ma'lum bir vazifani bajaradigan tugmalar kolleksiyasi tavsiya qilinadi. Ushbu tugmalarni o‘rnatayotganda tugmaning vazifasidan kelib chiqqan holda tegishli amallar bajariladi.Tugmalar elektron darsliklarda muloqot jarayonini qulaylashtiruvchi ob'yektlar sifatida keng qo‘llaniladi.