Tekst redaktorlari menen islew. Ms word programmasi

Vertikal shegaralarda - kestedegi baǵanalar enin ózgertiw;
- Gorizontal shegaralarda - kestedegi qatarlar uzınlıǵın ózgertiw;
- Bólmeler shep tárepinde - keste bólmelerin tańlaw;
- Baǵana tóbe bóliminde - keste baǵanasın tańlaw;

Tekstte grafiklar sızıw ushın WORD ekranınıń tómengi shep astında jaylasqan grafik elementleri belgilerinen paydalanıw múmkin. Tayın súwret hám kadrlardı tekstke nusqalaw ushın «Формат» buyrıqlar kompleksinen Кадр yamasa «Рисунок» buyrıqlardan paydalanıw múmkin. Súwret redaktorında tayarlanǵan súwretlerdi de tekstte isletiw múmkin.

1.- Действия - Grafikalıq obiekt ústinde hár qıylı ámeller orınlaydı;

2.- Выбор объекта - Grafikalıq obiektti tańlaw;
3.- Свободное вращение - Grafikalıq obiektti ortası boyınsha aylandırıw;
4.- Автофигуры – Hár qıylı grafikalıq figuralardı (sızıq, tórtmúyeshlik, sheńber, strelka, kópmúyeshlik, qawıslar h.t.b.) qosıw;
5.- Линия – Tuwrı sızıqlar sızıw;
6.- Стрелка – Strelkalar sızıw;
7.- Прямоугольник – Tórtmúyeshlikler sızıw;
8.- Овал – Sheńberler sızıw;
9.- Надпись - Ústki jazıwdı qosıw;
10.- Добавитьобъект Word Art - Shıraylı, grafikalıq úskenelengen hám hár qıylı sırtqı kórinislerdegi tekstlerdi qosıw.
WORD ta bar bolǵan menyu buyrıqlar kompleksi bul qollanbanıń qosımsha bóleginde keltirilgen. Joqarıda belgilengen tiykarǵı buyrıqlar kompleksinen tısqarı tiykarǵı menyu buyrıqlarına kiretuǵın «Вид» buyrıqlar kompleksi menen tekstti normal jaǵdayında, betlerdi jaylasıw, ekran boyınsha tolıq, sızǵısh qoyıp kóriw múmkin. «Сервис» buyrıqlar kompleksi járdeminde tekst orfografiyasın orfografiya, grammatika, sózlerdi buwın kóshiriliwi, tili hám t.b. tárepleri menen baqlaw, «Окно» buyrıqlar kompleksi menen jańa aynalar ashıp islew múmkin.
Tekstti kózden ótkeriw ushın «Файл»buyrıqlar kompleksinen «Просмотр» bándi saylanadı, “tıshqansha” shep túymesi basıladı. Nátiyjede ekranǵa tekst neshe bette bolsa sonsha betler boyınsha jaylasqan jaǵdayı shıǵadı. Bul jaǵdaydı menyudaǵı ayna belgisi járdeminde de payda etiw múmkin.
Tekstti baspadan shıǵarıw ushın « Файл »buyrıqlar kompleksinen «Печать» buyrıǵı saylanadı hám “tıshqansha”nıń shep túymesi basıladı. Álbette onıń ushın bárinen burın baspadan shıǵarıw apparatı qosılǵan hám oǵan qaǵaz qoyılǵan bolıwı kerek, keri jaǵdayda kompyuter uyqas halda baspadan shıǵarıw apparatın jalǵawdı yamasa qaǵaz qoyıwdı usınıs etedi.