Tekst redaktorlari menen islew. Ms word programmasi

TEKST REDAKTORLARI MENEN ISLEW. MS WORD PROGRAMMASI.


Office programmaları paketi hám onıń quramı.
Házirgi kúnde informaciya menen islew, onı qabıllaw, jaratıw, qayta islew kóp waqıt talap etip atır. Sol sebepli 1995-jılda Microsoft kompaniyası tárepinen informaciyalardı kiritiwshi, onı redaktorlawshı, olardı keste usılında tártipleytuǵın, hátte matematikalıq ámellerdi orınlawshı MICROSOFT OFFICE paketi programmasın islep shıqtı.
Bul programma kúnnen-kúnge kóplegen kerekli programmalardı óz ishine alıp atır. Mısalı olar ishinde eń kóp paydalanatuǵını Microsoft Word, Microsoft Excel, Microsoft Power Point hám t.b.
Microsoft Office paketin iske túsiriw ushın Пуск → Программы → Microsoft Office programmasına tıshqanshanı alıp keliwimiz jetkilikli. Sonda ekranımızda qosımsha baylanısıw aynası payda boladı. Bul aynada:

Microsoft Word - Windows ortalıǵında islew ushın mólsherlengen Microsoft Office quramına kiretuǵın programmalardan biri bolıp, onı tekst redaktorı dep ataydı. Ol hár qıylı xatlar, hújjetler hám esabatlar tayarlawda qolay qural bolıp tabıladı. Sonıń menen birge onıń járdeminde blankalar hám anketalar, maqalalar hámde qollanbalar da tayarlaw múmkin. Word -tekst kirgiziw, redaktorlaw, nusqa alıw, formatlaw, keste ornatıw, grafikalıq obiektler qoyıw hám ulıwma tekstler tayarlaw programması bolıp tabıladı.

Excel Microsoft Office paketi quramındaǵı programma bolıp, ol Windows operacion sisteması basqarıwında maǵlıwmatlı elektron kesteler (EK) di tayarlaw hám qayta islewge mólsherlengen. Excel kesteler jaratıw, formulalar payda etiw, diagrammalar payda qılıw, maǵlıwmatlardı sortirovkalaw ushın mólsherlengen programma;
Windows operacion sisteması jaratılmastan aldın DOS quramında SuPerCalc, quatPrio hám soǵan uqsas EKli programmalardan paydalanılǵan. Windows ortalıǵı jaratılǵannan keyin, ásirese Windows operacion sisteması jaratılǵannan keyin kóplegen paydalanıwshılar Office tiń EKli programması Microsoft Excel programmasınan paydalanıw múmkinshiligine iye boldı.
Excelde tayarlanǵan hár bir hújjet (maǵlıwmatlı keste) Windowsda qabıl etilgen qálegen at hám xls keńeytpeden ibarat fayl boladı. Excelde ádetde bunday fayl “Jumıs kitabı” (Книга) dep júritiledi. Microsoft Exceldiń tiykarǵı jumıs tarawı bul - jumıs kitabı bolıp, ol 255 danaǵa shekem betlerden (лист) ibarat bolıwı múmkin. Olar jumıs betleri dep ataladı. Jumıs betinde buxgalter (esapshı) kitabı sıyaqlı, sanlar, tekstler, arifmetikalıq ańlatpalar, esaplar qatar hám baǵanalarda jaylasqan boladı. Hár bir jumıs beti Лист1, Лист2,... atlar menen atalǵan bolıp, olar kesteniń tómengi bólegindegi yarlikshalarda kórsetilgen. Paydalanıwshı bul atlardı qálegeninshe ózgertiwi múmkin. Onıń ushın sol atlar jazılǵan yarliklardı tıshqansha járdeminde eki ret tańlaw kerek. Sonnan keyin jańa atdı teriw múmkin. Bunıń basqa jolı Формат usınısnamasınıń Лист bólimindegi Переименовать buyrıǵınan paydalanıw múmkin. Bir jumıs betinen basqasına ótiw ushın uyqas yarliktı tıshqansha járdeminde tańlaw jetkilikli.
Excel EKiniń basqa programmalardan tiykarǵı ayrıqsha tárepi, formulalar qatarı dep atalǵan qatardıń bar bolıwı. Bul qatar úsh bólekten ibarat bolıp, birinshisi sol qatardıń shep tárepindegi kishkene bólegi atamalar maydanı, ońdaǵı úlken bólegi formulalar maydanı hám ortadaǵı bólegi bolsa formulalar ustasın jumısqa túsiriwshi belgi súwretli (fx) túymeden shólkemlesken. Hár bir ketekke san, tekst, yamasa formula túrindegi maǵlıwmatlar kiritiledi. Olardıń kiritiliw tártibi menen keyingi sapar tanısıp shıǵamız.